Como realizar unha copia de seguridade do seu certificado electrónico

Windows - Copia do certificado na Microsoft Edge

Para realizar unha copia do certificado electrónico desde Microsoft Edge, accede ao menú  "Configuración e máis" situado ao final da barra de enderezos identificada coa icona de tres puntos horizontais e entra en "Configuración".

Pulsa sobre "Privacidade, busca e servizos" situados na marxe esquerda, localiza "Seguridade" e fai clic en "Administrar certificados".

Na pestana "Persoal" deberá aparecer o teu certificado electrónico. Para realizar unha copia de seguridade (exportación), selecciona o certificado correspondente e fai clic en "Exportar...".

A continuación ábrese o "Asistente de exportación". Pulsa "Seguinte" e despois marca o recadro "Exportar a clave privada" (se acabas de obter o teu certificado e non se pode marcara é posible que houbese algún problema na descarga ou instalación; nese caso contacta coa entidade emisora do certificado).

Na seguinte pantalla deixa as opcións que aparecen marcadas por defecto e pulsa "Seguinte". Marca o recadro "Contrasinal" e establece un contrasinal para preservar a seguridade. Esta opción é indispensable para importar posteriormente o certificado nun navegador como Mozilla Firefox. Se esqueces o contrasinal non haberá xeito de recuperara. Pulsa "Seguinte".

Fai click en "Examinar" para escoller a situación en que se vai a gardar a copia do certificado, establece un nome e pulsa "Gardar", "Seguinte" e, despois, "Finalizar".

Se todo foi ben aparecerá a mensaxe "A exportación realizouse correctamente".

A icona a unha copia válida realizada será un sobre aberto cun certificado asomando e unha chave e a extensión.pfx. Se non visualizas a extensión, fai clic co botón dereito do rato sobre a icona do certificado e accede a "Propiedades".

Se non podes marcar o recadro "Exportar a clave privada" o resultado sería unha copia non válida (o arquivo tería a extensión.cer e a icona sería un certificado sen ningunha chave). A clave privada é a información persoal que o certificado contén e sen a cal non é posible asinar.

Se a copia non fóra válida instalaríase na pestana "Outra persoas" en lugar de facero na pestana "Persoal" e o certificado non sería válido para traballar na páxina da AEAT. Se nalgún momento necesitas reinstalar (importar) o certificado e non dispós dunha copia válida deberás solicitar un novo certificado.