Presentación electrónica do modelo 220

Presentación do modelo 220 con NRC

Para realizar a presentación electrónica do modelo 220, se o resultado da declaración é un ingreso e non se domicilía nin se apraza o pagamento, necesitarás un NRC. O Número de Referencia Completo ou NRC é un código que a Entidade Colaboradora xera informaticamente mediante un sistema criptográfico e que serve como xustificante do pagamento.

O acceso ao formulario para a presentación do modelo 220 require certificado electrónico.Ten en conta que tras pulsar "Aplicar" non será posible modificar o NIF, nome, estado contable ou o período impositivo.Dende esta mesma ventá inicial podes cargar ou importar a declaración:

• O botón "Cargar" permite recuperar os datos dunha sesión gardada previamente.

• O botón "Importar" permite incorporar un arquivo con extensión .220 dunha declaración xerada anteriormente co formulario mediante o botón "Exportar" ou realizada dende un programa alleo á Axencia Tributaria, sempre que a súa estrutura siga o deseño lóxico de rexistro publicado para o modelo.Ten en conta que unha vez cargado o formulario xa non poderás utilizar a opción "Importar".

Tras pulsar "Aplicar" accederás ao formulario para a cumprimentación.Na parte superior encontrarás as diferentes páxinas da declaración.Nalgunhas encontrarás unha botoeira dende a que poderás dar de alta, baixa e navegar entre os rexistros.Para dar de alta un rexistro pulsa na icona "Novo rexistro" identificada por unha folla en branco co signo "+" en verde.

Na parte inferior do formulario sitúanse os botóns coas funcionalidades deste.Se o desexas podes importar os datos do modelo 200 dende un ficheiro que tiveses xerado previamente.Para iso, accede ao menú "Importar do 200" dispoñible ao pé do formulario e selecciona o ficheiro .200 que contén os datos que queres trasladar o modelo 220.

Finalizada a cubrición da declaración, comproba cal é o resultado desta.

A continuación, para validar o contido da declaración, fai clic no botón "Validar".Na pestana "Erros" mostraranse os erros e avisos detectados na declaración, cun botón "Ir ao Erro" ou "Ir ao Aviso" para corrixilos.

Mediante o botón "Gardar" salvaranse os datos da declaración no servidor e poderás recuperalos en calquera momento dende a opción "Cargar".

Se a declaración se valida correctamente (sen erros) poderás obter un ficheiro en formato BOE dende a opción "Exportar" situado na parte inferior e na ventá "Formalizar Ingreso / Devolución".Poderás elixir a ruta na que desexas gardar o ficheiro que terá por nome o NIF do declarante e a extensión .220.Para recuperar a declaración, utiliza a opción "Importar" dende a ventá de inicio de captura de datos.

Ademais, se antes de presentar a declaración queres obter un borrador para revisar os datos, dispós da ferramenta "Borrador"Para xerar un PDF, non válido para a presentación, coa declaración.O borrador visualízase en pantalla;non obstante, dende "clic aquí para descargar o pdf" é posible descargalo no teu equipo.Podes "Volver a declaración" ou dar de alta unha "Nueva declaración".

Se a validación da declaración é correcta, poderás proceder á presentación pulsando "Formalizar Ingreso / Devolución".Se o resultado é un ingreso, selecciona no apartado "Seleccione o tipo de Declaración" a forma de pagamento "A ingresar" e indica no campo "Número de Referencia NRC", o NRC xustificante do pagamento.

Se tes gardado o NRC en ficheiro, fai clic en "Ler NRC de ficheiro".Se aínda non realizaches o pagamento, podes enlazar coa pasarela de pagamentos da AEAT dende o botón "Realizar pagamento (obter NRC)".

Se ao validar a declaración se encontraron avisos, que non che impiden presentar a declaración, informarase nunha ventá emerxente.Pulsa "Continuar" para presentar a declaración ou "Cancelar" para revisar os avisos.

Na nova ventá, marca a casa "Conforme" para confirmar a presentación da declaración.No cadro de texto mostrarase codificado o contido da declaración.Podes continuar coa presentación da declaración pulsando "Asinar e Enviar".

O resultado dunha presentación correcta será en calquera caso a páxina de resposta na que apareza "A súa presentación foi realizada con éxito" cun PDF incrustado que contén unha primeira folla coa información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador) e, nas páxinas posteriores, a copia completa da declaración.