Que é un NRC

O NRC (Número de Referencia Completa) é o código que se xera como xustificante para identificar un ingreso tributario. Consta de 22 caracteres alfanuméricos entre os que se incorpora, de forma cifrada, a información do NIF do declarante, o importe, o modelo, o exercicio e o período.

O NRC aparecerá no xustificante da operación canda o resumo dos datos do ingreso. Para que o NRC sexa válido, é importante que os datos facilitados no momento de realizar o pagamento sexan correcto.

En declaracións e autoliquidacións que supoñan un ingreso, e para as que non se seleccionase como forma de pagamento a domiciliación bancaria, deberá incluírse o NRC para poder realizar a presentación.

Pola súa banda, no pagamento de liquidacións / débedas, unha vez efectuado o pagamento e obtido o NRC, o trámite haberá finalizado, sen que cumpra realizar outras actuacións. Pódese gardar a resposta obtida co NRC como xustificante da operación.

Se se realizou o ingreso a través da pasarela de pagamentos da AEAT pero non se  obtivo ou non consérvase o xustificante,  existe a posibilidade de recuperaro desde as opcións "Consulta dun pagamento anterior por cargo en conta" e "Consulta dun pagamento anterior por pagamento con tarxeta".

Ademais, se  realizaches o ingreso a través da pasarela de pagamentos da AEAT e, debido a unha incidencia puntual, non obtiveches o NRC podes recuperaro sen ter que recorrer á opción de consulta correspondente dun pagamento anterior, utilizando o botón "Recuperación do NRC ".

Para que se mostre o botón "Recuperación do NRC "débense cumprir estes requisitos:

• Que esteas accedendo ao pagamento  ou enlazando desde un formulario, coa Pasarela de Pagamentos da AEAT e non esteas accedendo pola opción de consulta dun pagamento anterior.

• Que realizases o pagamento correctamente e exista cargo na Entidade Financeira.

• Que non obtiveses en pantalla o NRC debido a unha incidencia, posiblemente moi puntual.