Modelo 583 - Axuda técnica
Saltar índice da informaciónPresentación electrónica do modelo 583
A presentación do formulario 583 efectuarase con carácter obrigatorio a través de Internet. O presentador da declaración deberá dispor dun certificado electrónico válido (do declarante ou dunha entidade autorizada para a presentación de declaracións en representación de terceiras persoas).
En primeiro lugar, selecciona o tipo de autoliquidación e de desagregación entre as opcións dispoñibles. Despois, fai clic en "Continuar". Se tes dúbidas con respecto á formalización da declaración dispós da ligazón de axuda "BOE do 30 de abril de 2013" que aparece no recadro "Avisos" na cabeceira. Se seleccionas unha desagregación con importación de ficheiro no apartado "Avisos" encontrarás unha ligazón ao deseño de rexistro do ficheiro.
Tamén podes obter axuda en materia tributaria e formalización do modelo contactando mediante o mostrador virtual "ADI Necesitas axuda?", que se abre ao entrar no formulario, na esquina inferior dereita.
A continuación, cobre os datos solicitados na declaración. Lembra que os importes se cubrirán en euros e con dous decimais separados por coma.
Unha vez introducidos todos os datos, pulsa o botón "Enviar presentación".
Despois fai clic en "Asinar e Enviar". Nunha nova xanela mostraranse os datos do presentador e un cadro coa información codificada que se envía. Marca o recadro "Conforme" e pulsa "Asinar e Enviar" para finalizar a presentación.
Se a declaración é aceptada, a AEAT devolverá en pantalla un resumo da solicitude validada cun código seguro de verificación de 16 caracteres, cuxa numeración comeza polo número do exercicio máis o número do modelo, 583 (por exemplo, 2023583XXXXXXXXX). Este número aparece na folla de resposta dunha presentación electrónica realizada correctamente canda a data da presentación e o Código Seguro de Verificación. Se marcaches en "Tipo Autoliquidación" domiciliación do pagamento, na folla de respostas aparecerá un NRC que non actúa como tal, é dicir, non existe un cargo automático, senón que simula un número de xustificante.