Modelo 228

Formulario do modelo 228 para presentación en papel

Para a presentación en papel do "Modelo 228. Solicitude de devolución por exención por reinvestimento en vivenda habitual para contribuíntes da Unión Europea e do Espazo Económico Europeo con efectivo intercambio de información tributaria", dispós dun formulario para cubrir en liña e obter o  PDF coa declaración, previamente validada polo servidor da AEAT.

Cobre todos os datos solicitados,  principalmente os correspondentes aos campos marcados con asterisco, que son de formalización obrigatoria.

Antes de xerar a predeclaración, comproba se existen avisos ou erros, facendo clic sobre o botón "Validar declaración", situado na botonera na parte inferior do formulario. Mostrarase a información cos avisos e / ou erros detectados. Lembra que os avisos dan información relevante a ter en conta, pero non impiden a presentación da declaración. En cambio, se a declaración contén erros, estes deben ser corrixidos para poder xerar a predeclaración.

Unha vez cumprimentado correctamente e sen erros, pulsa sobre o botón "Seleccionar Ingreso/Devolución" situada na botonera inferior, para que se xere o documento PDF co contido da declaración.

Mostrarase unha nova xanela desde a que, por un lado, poderás xerar un ficheiro cos datos da declaración  en formato BOE, pulsando sobre o botón "Exportar". O nome do ficheiro resultante está formado polo NIF do declarante, o exercicio e o período, e a extensión, polo número de modelo (NIF _exercicio _período.228). O ficheiro gárdase por defecto na carpeta que teñas predeterminada para as descargas.

En calquera momento poderás recuperar os datos do ficheiro descargado accedendo a unha nova declaración e pulsando sobre o botón "Importar".

Nesta mesma xanela, deberás indicar o código IBAN dunha  conta  bancaria  en que figures como titular, para que se realice o ingreso da devolución. Se  dispós dunha conta bancaria aberta en España, marca a opción "Solicitude de devolución en conta aberta en España" e indica o IBAN. Se se trata dunha conta aberta no estranxeiro, marca a opción "Solicitude de devolución en conta aberta no estranxeiro (UE /SEPA )" e cobre o IBAN e o SWIFT- BIC.

Unha vez indicada a conta de devolución, pulsa "Xerar predeclaración" para obter o PDF da predeclaración.

Na siguiene xanela, revisa os avisos e fai clic en "Continuar".

Abrirase un PDF con dúas copias, unha para o contribuínte e outra para presentar nas oficinas de rexistro da Axencia Tributaria, persoalmente ou por correo certificado, canda a documentación correspondente.

Lembra que deberás cubrir manualmente o  dato  do NIF do contribuínte, así como o apartado "Data e sinatura".