5.10.2 Requisitos

Toda factura conterá os datos seguintes:

• Número e, se é o caso, serie.

• Data de expedición.

• Nome e apelidos, razón ou denominación social completa do expedidor e do destinatario.

• NIF do obrigado a expedir a factura e, en determinados casos, do destinatario.

• Domicilio do expedidor e do destinatario.

• Descrición das operacións e datos necesarios para determinar a BI e o seu importe (prezo unitario sen IVE, descontos ou rebaixas).

• Tipo ou tipos impositivos.

• Cota tributaria consignada por separado.

• Data da operación, se é distinta da de expedición da factura.

• Ademais, se é o caso, é obrigatorio mencionar:

  • Nas operacións que estean exentas, a norma que establece a exención.

  • Nas entregas de medios de transporte novo, a data da súa primeira posta en servizo e as distancias percorridas ou horas de navegación ou voo realizado ata a súa entrega.

  • Cando sexa o adquirente ou destinatario da entrega ou prestación quen expida a factura en lugar do provedor ou prestador, a mención “facturación polo destinatario ”.

  • Cando o suxeito pasivo do Imposto sexa o adquirente ou o destinatario da operación, a mención “investimento do suxeito pasivo”.

  • En caso de aplicación dos seguintes réximes especiais, a mención “réxime especial das axencias de viaxes”, “réxime especial dos bens usados”, “réxime especial dos obxectos de arte” ou “réxime especial das antigüidades e obxectos de colección” ou “réxime especial do criterio de caixa”.

  • Cando se inclúen varias operacións na mesma factura debe especificarse por separado a parte de base impoñible de cada unha delas cando se inclúan as seguintes operacións:

    • exentas e outras en que non se dan as devanditas circunstancias.

    • en que o suxeito pasivo do IVE é o seu destinatario e outras en que non se dan esta circunstancia.

    • suxeitas a diferentes tipos do IVE.