5.2 Réximes de tributación

A Sede electrónica da Axencia Tributaria incorpora un «Buscador de actividades e as súas obrigas tributarias», onde poderás consultar o réxime de tributación no IVE da actividade. 

Existe un réxime xeral e réximes especiais:

• Simplificado: empresarios do sector servizos, industriais e comerciantes maioristas e retallistas que poidan tributar neste réxime

• Recarga de equivalencia: para comerciantes retallistas que reúnen os requisitos

• Agricultura, gandaría e pesca: para agricultores e gandeiros agás renuncia ou exclusión

• Bens usados, obxectos de arte, antigüidades e obxectos de colección

• Axencias de viaxes

• Ouro de investimento

• Réximes especiais aplicables ás vendas a distancia e a determinadas entregas interiores de bens e prestacións de servizos

• Grupo de entidades

• Criterio de caixa

Tributan en réxime xeral os agricultores e gandeiros excluídos ou que renuncien ao réxime especial da agricultura, gandaría e pesca ou réxime simplificado, os industriais que non poidan tributar no réxime simplificado e os comerciantes que non reúnen os requisitos do réxime simplificado nin do de recarga de equivalencia e, os profesionais, artistas e deportistas. Os empresarios do sector servizos poden tributar no réxime xeral ou no simplificado nalgúns casos.