7.2 Retencións e ingresos a conta de rendementos do traballo, actividades económicas, premios e determinadas imputacións de renda. Modelos 111 e 190

Están obrigados a practicar e ingresar retencións ou ingresos a conta, as persoas físicas, xurídicas e demais entidades, incluídas as Administracións Públicas que satisfagan retribucións monetarias ou en especie, dalgunha das seguintes rendas:

1. Rendementos do traballo.

2. Rendementos de actividades económicas.

3. Ganancias dos aproveitamentos forestais dos veciños en montes públicos.

4. Premios pola participación en xogos, rifas ou combinacións aleatorias.

5. Rendementos procedentes da propiedade intelectual, industrial…

As retencións ingresaranse mensual ou trimestralmente, segundo corresponda, presentando o modelo 111.

Ademais, presentarase un resumo anual das retencións e ingresos a conta efectuados, modelo 190, en que terán que incluírse, ademais, as rendas exentas de retención ou ingreso a conta.