C. Deducción por produción de determinados espectáculos en vivo (art. 36.3 LIS)
Porcentaxe de dedución
Os gastos realizados na produción e exhibición de espectáculos en vivo de artes escénicas e musicais terán unha dedución do 20 por 100.
Base de dedución
A base da dedución estará constituída polos custos directos de carácter artístico, técnico e promocional incorridos nas referidas actividades.
Importe máximo da dedución
A dedución xerada en cada período impositivo non poderá superar o importe de 500.000 euros por contribuínte.
En resumo:
| Porcentaxe de dedución | Importe máximo | Base de dedución | ||
|---|---|---|---|---|
| 20% | 500.000 € Sen que supere o 80% dos gastos |
Custos directos de carácter artístico, técnico e promocional incorrido. | ||
Requisitos
Os requisitos necesarios para a aplicación da dedución son:
- Que o contribuínte obtivese un certificado para ese fin, nos termos que se establezan por orde ministerial, do Instituto Nacional das Artes Escénicas e da Música.
- Que, dos beneficios obtidos no desenvolvemento destas actividades no exercicio en que se xere o dereito á dedución, o contribuínte destine polo menos o 50 por 100 á realización de actividades que dan dereito á aplicación da dedución prevista neste apartado.
O prazo para o cumprimento desta obriga será o comprendido entre o inicio do exercicio en que se obtivesen os referidos beneficios e os 4 anos seguintes ao peche do devandito exercicio.
A base desta dedución minorarase no importe das subvencións recibidas para financiar os gastos que xeren o dereito a esta.
Límite
O importe da dedución, canda as subvencións percibidas polo contribuínte, non poderá superar o 80 por 100 dos devanditos gastos.