Comunidade Autónoma das Illes Balears: Importes dos mínimos do contribuínte, por descendentes e por discapacidade

Normativa: Art. 2 Texto Refundido das Disposicións Legais da Comunidade Autónoma das Illes Balears en Materia de Tributos Cedidos polo Estado, aprobado por Decreto Lexislativo 1/2014, do 6 de xuño

Atención: teñase en conta que os seguintes importes dos mínimos autonómicos por descendentes e ascendentes da Comunidade Autónoma das Illes Balears non serán aplicables polos contribuíntes que falecesen con anterioridade ao 26 de novembro de 2023. Para estes últimos consultese este mesmo apartado do Manual de IRPF 2022.

O artigo primeiro da Lei 11/2023, do 23 de novembro, modificou con efectos de data 26 de novembro de 2023 o artigo 2 do Decreto lexislativo 1/2014, do 6 de xuño, establecendo os seguintes importes dos mínimos do contribuínte, por descendentes, por ascendentes e por discapacidade, que deben aplicar os contribuíntes residentes no territorio da Comunidade das Illes Balears para o cálculo do gravame autonómico:

Mínimo do contribuínte maior de 65 anos

•  6.105 euros anuais por importe do mínimo por contribuínte xeral

• Máis 1.265 euros anuais por contribuínte maior de 65 anos.

• Adicionalmente 1.540 euros anuais por contribuínte maior de 75 anos.

Mínimo polo segundo, o mínimo polo terceiro e o mínimo polo cuarto e seguintes descendentes

• 2970  euros anuais polo segundo descendente.

• 4.400 euros anuais polo terceiro descendente.

• 4.950 euros anuais polo cuarto descendente e seguintes.

Mínimo por ascendentes

• 1.265 euros anuais por cada ascendente de máis de 65 anos ou con discapacidade.

• Máis 1.540 euros anuais  por cada ascendente maior de 75 anos.

Mínimo por discapacidade  do contribuínte e de ascendentes ou descendentes

• 3.300 euros anuais por cada contribuínte, ascendente ou descendente, cando sexa unha persoa cun grao de discapacidade igual ou superior ao 33 por 100 e inferior ao 65 por 100.

• 9.900 euros anuais por cada contribuínte, ascendente ou descendente, cando sexa unha persoa cun grao de discapacidade igual ou superior ao 65 por 100.

• Máis 3.300 euros anuais por cada contribuínte, ascendente ou descendente que acredite necesitar axuda de terceiras persoas ou mobilidade reducida, ou un grao de discapacidade igual ou superior ao 65 por cento.

Incremento en concepto de gastos de asistencia: 3.300 euros