Saltar ao contido principal
Manual práctico IVA 2021

Rectificación de deducións

Os casos de rectificación de deducións son:

  1. Incorrecta determinación das deducións.

  2. Rectificación de cotas repercutidas por:

    1. Determinación incorrecta.
    2. Modificación da base impoñible.

Se a rectificación implica un incremento de cotas, pode efectuarse na autoliquidación do período en que o suxeito pasivo reciba a factura rectificadora ou nas declaracións seguintes, sempre que non transcorresen catro anos dende a devindicación do imposto ou dende que se producisen as circunstancias determinantes da modificación da base impoñible.

Se a rectificación non ten causa na modificación da base impoñible, non poderá efectuarse despois dun ano dende a expedición da factura rectificadora.

Se a rectificación implica unha minoración de cotas, é obrigatoria e debe efectuarse:

  • Se é por erro fundado de dereito ou modificación da base impoñible: na autoliquidación do período en que se tivese recibido a factura rectificadora.

  • No suposto de concurso ou se a operación gravada queda sen efecto como consecuencia do exercicio dunha acción de reintegración concursal ou outras de impugnación exercitadas no seo do concurso, se o comprador ou adquirente inicial está tamén en concurso: na autoliquidación do período en que se exerceu o dereito á dedución das cotas soportadas, sen que proceda aplicar recargas nin xuros de mora.

  • Se é por outra causa: debe presentar autoliquidación rectificadora aplicándose a recarga e os xuros de mora que procedan, segundo o artigo 27 da Lei 58/2003, do 17 de decembro, Xeral Tributaria.

A Axencia Tributaria incorporou á súa páxina web unha «Calculadora de prazos modificación BI e outras rectificacións», onde pode consultarse a data límite para modificar o IVA soportado deducido cando se produzan as circunstancias previstas no artigo 80 da LIVA ou un erro.Tamén facilita o período e exercicio do modelo 303 onde realizar o correspondente axuste:https://sede.agenciatributaria.gob.es/wlpl/AVAC-CALC/CalculadoraMBIServlet

Esquema de rectificación de cotas repercutidas e deducións
Cotas repercutidasProcedemento de rectificaciónCotas deducidas
Tipo de variaciónTipo de variación
Aumento

  1. Na autoliquidación correspondente ao período en que se efectúe a rectificación, cando esta se funde nalgunha das seguintes causas:

    1. Devolución de envases e embalaxes.
    2. Descontos e bonificacións realizadas despois da operación, sempre que estean debidamente xustificados.
    3. Cando as operacións gravadas queden total ou parcialmente sen efecto:
      • por resolución firme xudicial ou administrativa
      • conforme a dereito ou aos usos de comercio.
    4. Cando se altere o prezo despois de que a operacón se realice.
    5. Cando con posterioridade á devindicación do Imposto e sempre que as cotas repercutidas non se terían satisfeito, dítese auto de declaración de concurso e sempre que se reúnan os requisitos establecidos pola normativa do Imposto.
    6. Cando se trate de créditos incobrables.
    7. Erro fundado de dereito.
    8. Importe da contraprestación non coñecido no momento da devindicación do imposto con fixación provisional da base impoñible aplicando criterios fundados.

  2. Nos restantes casos e sempre que non mediase requirimento previo, o suxeito pasivo debe presentar unha autoliquidación complementaria á do período en que se efectuou a liquidación das operacións que agora se rectifican, aplicándose a recarga e os xuros de mora que procedan.

 Diminución
Diminución

  1. Regularizar a situación na autoliquidación correspondente ao período en que deba efectuarse a rectificación ou nos posteriores ata o prazo de:

    • Un ano para as cotas repercutidas.
    • Catro anos para as cotas soportadas se a rectificación é por causas do artigo 80, noutro caso será dun ano dende a expedición da factura rectificadora.

  2. Nas cotas repercutidas de máis, poderá optarse, cando corresponda, pola iniciación do procedemento de rectificación de autoliquidación.

 Aumento