Formalización do modelo 200

As entidades que opten en virtude do que se dispón no artigo 39.2 da LIS (marcando previamente o recadro [00059] «Opcións arts. 39.2 e 39.3 LIS» da páxina 1 do modelo 200) pola aplicación da dedución por actividades de investigación e desenvolvemento e innovación tecnolóxica sen suxeición aos límites establecidos no último parágrafo do artigo 39.1 da LIS (25/50 por cento), consignarán no recadro [00082] «Deducións excluídas de límite I+D+i» da páxina 14 bis do modelo 200, o importe correspondente a estas deducións que apliquen no período impositivo obxecto de declaración. O importe consignado neste recadro será o que resulte da formalización do cadro de desagregación da páxina 19 do modelo 200 que se explica a continuación.

Formalización do cadro «Deducións I + D + i excluídas de límite. Opción art. 39.2 LIS» (páxina 19 do modelo 200)

Neste cadro deberase consignar os importes da dedución por actividades de investigación e desenvolvemento e innovación tecnolóxica sen suxeición aos límites establecidos no artigo 39.1 da LIS xeradas nos exercicios 2013 a 2023, e que puideron ou poden trasladarse a períodos impositivos futuros, da forma en que se detalla a continuación:

• Na columna «Dedución pendente/xerada» consignarase nos recadros correspondentes, os importes da dedución xerada tanto no período impositivo actual (2023) como nun anterior ao actual (2013 a 2022), e que están pendentes de aplicación ao inicio do período impositivo que é obxecto de declaración.

  As filas «Investigación e desenvolvemento 2023 (*)» e «Innovación tecnolóxica 2023 (*)» só deben cubrirse se a entidade ten deducións pendentes de aplicar, correspondentes a un período impositivo anterior iniciado en 2023.

• Na columna «Dedución reducida» consignarase os importes recollidos na columna «Dedución pendente/xerada» anterior, minorados nun 20 por cento.

• Na columna «Aplicada nesta liquidación »recollerase a parte (ou a totalidade se é o caso) dos importes consignados na anterior columna «Dedución reducida», que se aplican na liquidación correspondente ao período obxecto de liquidación.

  No recadro [00082] recollerase o total dos importes consignados na columna «Aplicada nesta liquidación »que deberá trasladarse ao recadro [00082] da páxina 14 bis do modelo 200 referente á liquidación do Imposto.

• Na columna «Importe abonado por insuficiencia de cota» recollerase a parte dos importes consignados na anterior columna «Aplicada nesta liquidación »sobre os que, por insuficiencia de cota, o contribuínte solicita o seu aboamento á Administración tributaria nos termos establecidos no artigo 39.2 da LIS .

  No recadro [01234] recollerase o total dos importes consignados na columna «Importe abonado por insuficiencia de cota» que deberá trasladarse ao recadro [01234] da páxina 14 bis do modelo 200.

  En relación coa solicitude de aboamento á Administración tributaria da dedución por actividades de investigación e desenvolvemento e innovación tecnolóxica sen suxeición aos límites establecidos no artigo 39.1 da LIS regulada no artigo 39.2 da LIS , a devandita solicitude deberá realizarse seguindo o procedemento que se detalla no apartado «Aboamento de deducións I+D+i por insuficiencia de cota (opción art. 39.2 LIS)» deste Capítulo 6.

Formalización do apartado «Información adicional para o cálculo de límites de deducións» (páxina 19 do modelo 200)

Co obxecto de facilitar o cálculo dos límites establecidos na aplicación da opción regulada no artigo 39.2 da LIS para as deducións por actividades de investigación e desenvolvemento e por investigación tecnolóxica, os contribuíntes do Imposto deberán cubrir este apartado da páxina 19 do modelo 200, da forma en que se detalla a continuación:

• No recadro [00814] «Gastos de investigación e desenvolvemento do período impositivo» deste apartado deberán cubrir o importe dos gastos de investigación e desenvolvemento en que incorresen no período impositivo obxecto de declaración, que conformen a base da dedución por actividades da investigación e desenvolvemento xerado e non aplicada no devandito período impositivo. 

• No caso de entidades que formen parte dun grupo de sociedades nos termos establecidos no artigo 42 do Código de Comercio e que marcasen previamente o recadro [00039] «Entidade que forma parte dun grupo mercantil (art. 42 do Código de Comercio)» e o recadro [00059] «Opcións arts. 39.2 e 39.3 LIS» da páxina 1 do modelo 200, a entidade dominante do grupo deberá cubrir neste apartado a seguinte información:

  • No recadro [01935] deberá consignar o importe anual correspondente á dedución por actividades de investigación e desenvolvemento que fose aplicada ou abonada polo resto de entidades integrantes do grupo no período impositivo obxecto de declaración.

  • No recadro [00130] deberá consignar o importe anual correspondente á dedución por actividades de innovación tecnolóxica que fose aplicada ou abonada polo resto de entidades integrantes do grupo no período impositivo obxecto de declaración.