Supostos prácticos

Exemplo 1

A sociedade «A» cuxo importe neto da cifra de negocios nos 12 meses anteriores á data en que se inicie o período impositivo superou os 20 millóns de euros, ten unha base impoñible de 2.000.000 de euros e tributa  ao tipo xeral de gravame do 25 por cento. A devandita sociedade xerou no exercicio 2023 o dereito a aplicar as seguintes deducións:

• Dedución para evitar dobre imposición internacional: 150.000  euros
• Dedución de I+D+i (art. 35 LIS): 80.000 euros

• Liquidación do Imposto sobre Sociedades no exercicio 2023:

En primeiro lugar, a sociedade calculará o límite aplicable ás deducións do Capítulo IV do Título VI da LIS regulado no artigo 39.1 da LIS , é dicir, o 25 por cento da cota íntegra axustada positiva (cota íntegra menos as deducións por dobre imposición e as bonificacións). Se o importe das deducións dos artigos 35 e 36 da LIS xeradas no período impositivo é maior que o 10 por cento da cota íntegra axustada positiva, o límite do 25 por cento elévase ao 50 por cento da cota íntegra axustada positiva.

Comprobación do límite neste caso:

Dedución de I+D+i (art. 35 LIS): 80.000 euros

10 % (500.000 – 150.000) = 35.000 euros

80.000  euros > 35.000  euros, polo que a sociedade aplicará o límite conxunto do 50 por cento:

Límite art. 39.1 LIS: 50% (500.000 – 150.000) = 175.000  euros

Polo tanto, a sociedade pode aplicar no exercicio 2023 o importe íntegro da dedución de I+D+i (80.000 euros).

A sociedade, de non ser aplicable a tributación mínima, cubriría a liquidación do Imposto sobre Sociedades no exercicio 2023 da seguinte forma:

Porén, neste suposto ao ser de aplicación a tributación mínima, a sociedade deberá calcular o importe da cota líquida mínima, de acordo co que se dispón no artigo 30 bis da LIS . 

En primeiro lugar, a sociedade calculará a cota líquida mínima de acordo co  que  se dispón no  apartado  1 do artigo 30 bis da LIS e en segundo lugar calculará a cota de acordo coas regras que se conteñen no apartado 2 do devandito artigo. A cantidade obtida de menor importe terá a consideración de cota líquida mínima.

Polo tanto, neste caso concreto, a cantidade inferior é a calculada segundo o que se dispón no artigo 30 bis.1 da LIS (300.000 euros) polo que esta cantidade terá a consideración de cota líquida mínima. Ao ser a cota calculada segundo o previsto no artigo 30 bis.2 da LIS (350.000 euros) superior á do artigo 30 bis.1 da LIS ,  a sociedade poderá seguir aplicando deducións ata o límite de 300.000 euros (agás no caso de deducións cuxo importe se determine de acordo coa Lei 20/1991, do 7 de xuño, de modificación dos aspectos fiscais do Réxime Económico Fiscal das Canarias, e a Lei 19/1994, do 6 de xullo, de modificación do Réxime Económico e Fiscal das Canarias, que teñen un réxime especial), de acordo co previsto na letra b) do artigo 30 bis.2  da LIS .

Segundo o que se dispón na  letra  b) artigo 30 bis.2 da LIS , neste caso concreto quedan 50.000  euros  para acadar o importe do 15  por cento da base impoñible (cota líquida mínima),  unha vez que a cota íntegra se minorou nos seguintes importes:

• Bonificacións 
• Dedución  por investimentos realizados polas autoridades portuarias (art. 38 bis LIS) 
• Dedución por dobre imposición 

Polo tanto, poderá aplicarse 50.000  euros de dedución de I+D+i en aplicación do artigo 30 bis da LIS , pois unha vez minorados todos os conceptos contidos no devandito artigo o importe que resulta son 350.000 euros, polo que existe unha diferenza de 50.000  euros que permite  aplicar 50.000 euros da mencionada dedución ata acadar o importe de 300.000  euros de cota líquida mínima.

Neste suposto, a cota líquida mínima (300.000 euros) é superior á cota líquida (270.000 euros) que correspondería sen tributación mínima, polo que o importe que debe tributar como cota líquida será 300.000 euros, non permitindo a aplicación íntegra da dedución de I+D+i (80.000  euros), senón 50.000  euros. Polo tanto, quedan 30.000 euros da dedución de I+D+i xerada en 2023 pendentes por aplicar en períodos impositivos futuros.

Tendo en conta todo o anterior, o programa de Sociedades web recalcularía a cota líquida, polo que a liquidación que finalmente a sociedade deberá presentar unha vez tido en conta o que se dispón no artigo 30 bis da LIS será:

Exemplo 2

A sociedade «B» cuxo importe neto da cifra de negocios nos 12 meses anteriores á data en que se inicie o período impositivo superou os 20 millóns de euros, ten unha base impoñible de 1.000.000 de euros e tributa ao tipo xeral de gravame do 25 por cento. A devandita sociedade xerou no exercicio 2023 o dereito a aplicar os seguintes incentivos fiscais:

• Bonificación por rendas obtidas en Ceuta e Melilla: 20.000 euros
• Dedución para evitar dobre imposición internacional: 10.000 euros
• Dedución por investimentos realizados polas autoridades portuarias (art. 38 bis LIS) que non dá lugar a gastos non deducibles: 90.000 euros
• Dedución de I+D+i (art. 35  LIS): 100.000 euros

Ten pendente de aplicación  as seguintes deducións:

• Dedución de I+D+i (art. 35 LIS) pendente do exercicio 2022: 187.500 euros (cúmprense os requisitos para solicitar o aboamento anticipado do art. 39.2 LIS)
• Dedución por creación de emprego (art. 37 LIS) pendente de exercicios anteriores: 150.000 euros

Ademais, a sociedade poderá deducir unhas retencións por importe de 20.000  euros e uns pagamentos fraccionados de 10.000 euros.

• Liquidación do Imposto sobre Sociedades no exercicio 2023

En primeiro lugar, a sociedade calculará o límite aplicable ás deducións do Capítulo IV do Título VI da LIS establecido no artigo 39.1 da LIS . Se o importe das deducións dos artigos 35 e 36 da LIS xeradas no período impositivo é maior que o 10 por cento da cota íntegra axustada positiva (cota íntegra menos as deducións por dobre imposición e as bonificacións), o límite do 25 por cento elévase ao 50 por cento da cota íntegra axustada positiva.

Comprobación do límite neste caso:

Dedución de I+D+i (art. 35 LIS): 100.000 euros

10 % (250.000 – 20.000 - 10.000) = 22.000 euros

100.000  euros > 22.000  euros, polo que aplicará o límite conxunto do 50 por cento:

Límite art. 39.1 LIS: 50% (250.000 – 20.000 - 10.000) = 110.000  euros

Conforme ao anterior, o importe da dedución de I+D+i (100.000 euros) supera o 10  por cento da cota íntegra (22.000 euros), polo que o límite da dedución será o 50  por cento da cota íntegra (110.000 euros). Polo tanto, só poderá aplicarse nesta liquidación 110.000  euros pola totalidade de deducións do Capítulo IV do Título VI da LIS .

A sociedade  terá que decidir como aplicar o límite de 110.000 euros. Entendemos que a opción máis beneficiosa para ela sería aplicar en primeiro lugar a dedución por creación de emprego (art. 37 LIS) porque  provén de exercicios anteriores e a sociedade ten 15 anos para aplicara en lugar dos 18 anos en que  se pode aplicar a dedución de I+D+i (art. 35 LIS). Ademais, pola dedución  por creación de emprego (art. 37 LIS) non ten a posibilidade de solicitar o aboamento anticipado. Polo tanto, a sociedade no exercicio 2023 pódese aplicar 110.000 euros correspondentes á  dedución  por creación de emprego (art. 37 LIS), quedando pendente para períodos futuros 40.000 euros. Ademais, quedará pendente de aplicar para períodos futuros, o importe de 100.000 euros correspondentes á  dedución de I+D+i (art. 35 LIS) xerada en 2023.

A dedución por investimentos realizados polas autoridades portuarias (art. 38 bis LIS)  queda fóra do límite  establecido no  artigo 39.1 da LIS , polo que, xa que existe cota íntegra suficiente, a sociedade poderá aplicarse os 90.000 euros de dedución.

Pola dedución de I+D+i pendente de 2022, ao cumprir os requisitos do art. 39.2 LIS, a sociedade pode excluíra do límite do artigo 39.1 da LIS e aplicara cun desconto do 20 por cento do seu importe. Como hai insuficiencia de cota, a sociedade pode solicitar o aboamento  da parte correspondente. Polo tanto, deducirase o 80  por cento de 187.500 euros, é dicir, 150.000 euros  (20.000 minorando a cota e 130.000 como aboamento anticipado).

A sociedade, de non ser aplicable a tributación mínima, cubriría a liquidación do Imposto sobre Sociedades no exercicio 2023 da seguinte forma:

Porén, neste suposto ao ser de aplicación a tributación mínima, a sociedade deberá calcular o importe da cota líquida mínima, de acordo co que se dispón no artigo 30 bis da LIS .

En primeiro lugar,  a sociedade calculará a cota líquida mínima de acordo co  previsto  no artigo 30 bis.1 da LIS (150.000 euros) e en segundo lugar  calculará a cota de acordo coas regras que se recollen no artigo 30 bis.2 da LIS (130.000 euros). A cantidade obtida de menor importe terá a consideración de cota líquida mínima.

Polo tanto, neste caso concreto, a cantidade inferior é a calculada segundo o previsto na letra a) do artigo 30 bis.2 da LIS (130.000 euros), polo que esta cantidade terá a consideración de cota líquida mínima.  A partir da cota líquida mínima, a sociedade  non poderá seguir aplicando deducións (agás no caso de deducións cuxo importe se determine de acordo coa Lei 20/1991, do 7 de xuño, de modificación dos aspectos fiscais do Réxime Económico Fiscal das Canarias, e a Lei 19/1994, do 6 de xullo, de modificación do Réxime Económico e Fiscal das Canarias, que teñen un réxime especial), de acordo co previsto na letra b) do artigo 30 bis.2 da LIS .

Segundo o artigo 30 bis da LIS , neste caso concreto, dado o importe da cota líquida mínima resultante, non pode aplicarse sobre a cota íntegra o resto de deducións, unha vez que a cota íntegra se minorou nos seguintes importes:

• Bonificacións 
• Dedución  por investimentos realizados polas autoridades portuarias (art. 38 bis LIS) 
• Dedución por dobre imposición 

Polo tanto, a sociedade non poderá aplicarse a dedución por creación de emprego (artigo 37 LIS) en aplicación do  que  se dispón no artigo 30 bis da LIS , pois unha vez minorados todos os conceptos contidos no devandito artigo o importe que resulta  de 130.000 euros é inferior aos 150.000  euros que resulta de multiplicar o importe do 15  por cento da base impoñible (cota líquida mínima). Neste caso, a cota líquida mínima será de 130.000 euros, polo que o importe que debe tributar como cota líquida será 130.000 euros, non permitindo a aplicación dos 150.000 euros correspondentes á dedución do artigo 37 da LIS , nin dos 100.000 euros da dedución de I+D+i (artigo 35 LIS) xerada neste exercicio 2023, quedando 250.000 euros pendentes de aplicación para períodos futuros.

Canto á dedución de I+D+i xerada en 2022, a opción de excluíra do límite do artigo 39.1 da LIS e aplicara cun desconto do 20 por cento do seu importe, non se ve afectada polo importe da cota líquida mínima, de maneira que habendo cota suficiente, a sociedade poderá aplicarse 130.000 euros dos 150.000 euros pendentes (80% de 187.500 euros) e solicitar o aboamento dos 20.000 euros restantes.

Tendo en conta todo o anterior, o programa de Sociedades web recalcularía a cota líquida, polo que a liquidación que finalmente a sociedade deberá presentar unha vez tido en conta o que se dispón no artigo 30 bis da LIS será:

Exemplo 3

A sociedade «C» cuxo importe neto da cifra de negocios nos 12 meses anteriores á data en que se inicie o período impositivo superou os 20 millóns de euros, ten unha base impoñible de 2.000.000 de euros e tributa  ao tipo xeral de gravame do 25 por cento. A devandita sociedade xerou no exercicio 2023 o dereito a aplicar os seguintes incentivos fiscais:

• Dedución para evitar dobre imposición internacional: 45.000 euros
• Dedución de I+D+i (art. 35  LIS): 30.000 euros

• Liquidación do Imposto sobre Sociedades no exercicio 2023

En primeiro lugar, a sociedade calculará o límite aplicable ás deducións do Capítulo IV do Título VI da LIS establecido no artigo 39.1 da LIS . Se o importe das deducións dos artigos 35 e 36 da LIS é maior que o 10 por cento da cota íntegra axustada positiva, o límite do 25 por cento elévase ao 50 por cento da cota íntegra axustada positiva.

Comprobación do límite neste caso:

Dedución de I+D+i (art. 35 LIS): 30.000 euros

10 % (500.000 - 45.000) = 45.500  euros

30.000  euros < 45.500 euros, polo que aplicará o límite conxunto do 25 por cento:

Límite art. 39.1 LIS: 25% (500.000 - 45.000) = 113.750 euros

Polo tanto, a sociedade pode aplicar no exercicio 2023 o importe íntegro da dedución de I+D+i (30.000 euros).

A sociedade, de non ser aplicable a tributación mínima, cubriría a liquidación do Imposto sobre Sociedades no exercicio 2023 da seguinte forma:

Porén, neste suposto ao ser de aplicación a tributación mínima, a sociedade deberá calcular o importe da cota líquida mínima de acordo co que se dispón no artigo 30 bis da LIS .

En primeiro lugar,  a sociedade calculará a cota líquida mínima de acordo co previsto no artigo 30 bis.1 da LIS (300.000 euros) e en segundo lugar calculará a cota de acordo coas regras que se recollen na letra a) do artigo 30 bis.2 da LIS (455.000 euros). A cantidade obtida de menor importe terá a consideración de cota líquida mínima.

Polo tanto, neste caso concreto, a cantidade inferior é a calculada conforme ao artigo 30 bis.1 da LIS (300.000 euros), polo que esta cantidade terá a consideración de cota líquida mínima. A sociedade, conforme ao previsto na letra b) do artigo 30 bis.2 da LIS , poderá seguir aplicando deducións co límite de 155.000 euros (agás no caso de deducións cuxo importe se determine de acordo coa Lei 20/1991, do 7 de xuño, de modificación dos aspectos fiscais do Réxime Económico Fiscal das Canarias, e a Lei 19/1994, do 6 de xullo, de modificación do Réxime Económico e Fiscal das Canarias, que teñen un réxime especial), que é a diferenza entre o importe que resulta de aplicar a letra a) do artigo 30 bis.2 da LIS (455.000 euros) e o importe que resulta de aplicar o artigo 30 bis.1 da LIS (300.000 euros).

Segundo o artigo 30 bis da LIS , neste caso concreto quedan 155.000 euros para acadar o importe do 15 por cento sobre a base impoñible, unha vez que a cota íntegra se minorou nos seguintes importes:

• Bonificacións 
• Dedución  por investimentos realizados polas autoridades portuarias (art. 38 bis LIS) 
• Dedución por dobre imposición 

Neste caso concreto, a cota líquida mínima é de 300.000  euros porque de acordo co que se dispón no apartado 2 do artigo 30 bis LIS non resulta un importe menor do calculado de acordo co apartado 1 do devandito artigo. Polo tanto, en aplicación do que se dispón no apartado 1 do artigo 30 bis da LIS , a cota líquida mínima será de 300.000 euros.

A cota líquida non poderá ser inferior ao importe que resulte de aplicar o artigo 30 bis da LIS .

Ao comparar a cota líquida (425.000 euros) coa cota líquida mínima (300.000) advertimos que a cota líquida non é inferior á cota líquida mínima, polo que neste caso, o importe que se terá en conta para continuar a liquidación do Imposto sobre Sociedades será 425.000 €.

Polo tanto, poderá aplicarse os 30.000  euros correspondentes á dedución de I+D+i (art. 35 LIS), non quedando nada pendente para períodos futuros.

Tendo en conta todo o anterior, Sociedades web non recalculará a cota líquida, polo que a liquidación que finalmente  a sociedade deberá presentar unha vez tido en conta o artigo 30 bis da LIS será a seguinte (neste caso, o importe do recadro da cota líquida mínima será diferente ao da cota líquida):