Canle interna de información Lei 2/2023 (comunicación de infraccións realizadas por persoal da AEAT)
De conformidade co que se dispón na Lei 2/2023, do 20 de febreiro, reguladora da protección das persoas que informen sobre infraccións normativas e de loita contra a corrupción, a Axencia Tributaria implantou un Sistema interno de Información coa creación dunha Canle interna. A través desta Canle podes presentar calquera tipo de información relativa a condutas do persoal da Axencia Tributaria contraria ao ordenamento xurídico de acordo coa Lei 2/2023. Se desexas presentar unha denuncia tributaria debes ir ao apartado Denuncia tributaria nesta mesma páxina. Se desexas formular unha queixa polo mal funcionamento do servizo podes presentara ante o Consello para a Defensa do Contribuínte.
Que permite esta canle?
De conformidade co que se dispón na Lei 2/2023, esta canle permite a comunicación por parte das persoas físicas que, nun contexto laboral ou profesional coa Axencia Tributaria, obtivesen a información sobre as infraccións previstas no artigo 2 da Lei 2/2023.
Entre outras, considérase que as seguintes persoas físicas obtiveron a información nun contexto profesional ou laboral:
-
Persoal ao servizo da Axencia Tributaria
-
Aquelas cuxa relación laboral ou funcionarial aínda non comezase, nos casos en que a información fose obtida durante o proceso de selección ou de negociación contractual.
-
Persoal funcionario en prácticas.
-
Persoal colaborador, en períodos de formación ou en situación similar sen relación laboral ou funcionarial.
-
Persoal vinculado ás empresas coas que a Axencia Tributaria teña contratados servizos ou participase na súa licitación.
Ademais, esta Canle interna de información tamén está habilitado para recibir comunicacións daquelas persoas que obtivesen a información nun contexto distinto do laboral ou profesional coa Axencia Tributaria e que informen sobre accións ou omisións contrarias ao ordenamento xurídico do persoal da Axencia.