Canle interna de información Lei 2/2023 (comunicación de infraccións realizadas por persoal da AEAT)
De conformidade co que se dispón na Lei 2/2023, do 20 de febreiro, reguladora da protección das persoas que informen sobre infraccións normativas e de loita contra a corrupción, a Axencia Tributaria implantou un Sistema interno de Información coa creación dunha Canle interna. A través desta Canle podes presentar calquera tipo de información relativa a condutas do persoal da Axencia Tributaria contraria ao ordenamento xurídico de acordo coa Lei 2/2023. Se desexas presentar unha denuncia tributaria debes ir ao apartado Denuncia tributaria nesta mesma páxina. Se desexas formular unha queixa polo mal funcionamento do servizo podes presentara ante o Consello para a Defensa do Contribuínte.
Confidencialidade e protección de datos persoais
De conformidade co que se dispón na Lei 2/2023, do 20 de febreiro, reguladora da protección das persoas que informen sobre infraccións normativas e de loita contra a corrupción, a canle de información garante a confidencialidade da identidade do informante e de calquera terceiro mencionado na comunicación e das actuacións que se desenvolvan na xestión e tramitación da mesma, así como a protección de datos, impedindo o acceso de persoal non autorizado e sen que a súa identidade poida ser revelada a terceiras persoas. A persoa á que se refiran os feitos relatados non será en ningún caso informado da identidade do informante.
Así mesmo, o tratamento de datos persoais axustarase ao que se dispón na Lei 2/2023, o Regulamento (UE) 2016/679 do Parlamento Europeo e do Consello, do 27 de abril de 2016, relativo á protección das persoas físicas no que fai ao tratamento de datos persoais e á libre circulación destes datos e polo que se derroga a Directiva 95/46/CE e na Lei Orgánica 3/2018, do 5 de decembro, de Protección de datos persoais e garantía dos dereitos dixitais.