Novidades publicadas no INFORMA 2018

Novidades introducidas no INFORMA durante o mes de XULLO

Para os períodos impositivos que se inicien a partir do 1 de xaneiro de 2018 exceptúase as entidades de capital-risco, reguladas na Lei 22/2014, da obriga de efectuar o pagamento fraccionado mínimo.

Desde o 5 de xullo de 2018 amplíanse as competencias da Administración tributaria para comprobar o dereito á conversión de activos por imposto diferido en crédito esixible fronte á Administración tributaria.

Desde o 5 de xullo de 2018 os produtores cinematográficos estranxeiros deberán cumprir determinados requisitos para poder gozar do incentivo fiscal do artigo 36.2 LIS.

Se nun  período  se obteñen rendas negativas derivadas da cesión de activos intanxibles, por superar os gastos aos ingresos, en determinadas circunstancias, a renda negativa reducirase  na porcentaxe que  resulte de acordo co coeficiente do artigo 23.1 LIS.

Terán a consideración de rendas positivas os ingresos que superen a suma dos gastos incorridos pola entidade directamente relacionados coa creación dos activos que non fosen incorporados ao valor dos activos, das cantidades deducidas por aplicación do artigo 12.2 da LIS en relación cos activos, e daqueles gastos directamente relacionados cos activos que se integrasen na base impoñible.

Con efectos desde o 1 de xaneiro de 2018 acláranse os elementos que integran o denominador do coeficiente a que fai referencia o artigo 23.1 LIS.

Terán dereito á redución da base impoñible as rendas positivas procedentes da cesión do dereito de uso ou de explotación de patentes, modelos de utilidade, certificados complementarios de protección de medicamentos e de produtos fitosanitarios, debuxos e modelos, legalmente protexidos, que deriven de actividades de investigación e desenvolvemento e innovación tecnolóxica e software avanzado rexistrado que derive de actividades de investigación e desenvolvemento.

A devolución do exceso de cotización, contabilizado no seu día como gasto e deducido fiscalmente, debe imputarse como ingreso na base impoñible do Imposto sobre Sociedades do período impositivo en que se recoñece o dereito á súa devolución.