Novidades publicadas no INFORMA 2018

Novidades introducidas no INFORMA durante o mes de XANEIRO

Se se cumpren todos e cada un dos requisitos previstos no artigo 87.1c) LIS a achega de accións ou participacións sociais por contribuíntes do Imposto sobre a Renda das Persoas Físicas terá a consideración de achega non monetaria nos termos do artigo 87 LIS.

Unha sociedade que presta servizos profesionais relacionados co deseño e a publicidade sen que se poña de manifesto que estea sometida á Lei 2/2007 do 15 de marzo, de sociedades profesionais, a súa actividade económica non está excluída do ámbito mercantil e é contribuínte do Imposto sobre Sociedades.

Na medida en que as propinas recibidas polos Casinos de Xogo  teñan a consideración de ingreso contable deberán integrarse na base impoñible do Imposto sobre Sociedades nos termos previstos no artigo 11 LIS. E no caso de que a remuneración dos empregados con cargo ao tronco de propinas non se derive do contrato celebrado entre o traballador e o Casino de Xogo, o devandito gasto tería a consideración de liberalidade e non sería fiscalmente deducible de acordo co que se dispón no artigo 15.e) LIS.