Impostos sobre o Alcohol e Bebidas Alcohólicas
Obtén información sobre a fiscalidade sobre o alcohol
Base impoñible e tipos de gravame
BASE IMPOÑIBLE
No caso da cervexa, viño e bebidas levedadas e produtos intermedios, a base impoñible do imposto está constituída polo volume de produtos comprendidos dentro do ámbito obxectivo do imposto, expresado en hectolitros de produto acabado a temperatura de 20ª C.
No caso do alcohol e bebidas derivadas, a base impoñible estará constituída polo volume de alcohol puro, á temperatura de 20º C, expresado en hectolitros, contido nos produtos obxecto do imposto.
TIPOS DE GRAVAME
No ámbito da Unión Europea, os Estados Membros poden establecer os tipos de gravame dos impostos, no marco previsto na normativa comunitaria.
A Lei de Impostos Especiais establece os tipos impositivos aplicables aos distintos produtos alcohólicos nos seguintes artigos:
Cervexa: Artigo 26
Viño e Bebidas levedadas: Artigo 30
Produtos Intermedios: Artigo 34
Alcohol e Bebidas Derivadas: Artigo 39
No caso das Canarias, resultan de aplicación os tipos impositivos establecidos no artigo 23 da Lei de Impostos Especiais.