Impostos sobre o Alcohol e Bebidas Alcohólicas

Exencións

Ademais dos supostos de exención común a todos os Impostos Especiais de Fabricación, nos Impostos que recaen sobre o Alcohol e as Bebidas Alcohólicas, estarán exentas:

• A fabricación e importación de alcohol e de bebidas alcohólicas que se destinen á fabricación de vinagre.
• As importacións de bebidas alcohólicas conducidas persoalmente polos viaxeiros sempre que non superen determinados límites cuantitativos (1 litro de alcohol ou bebidas derivadas, ou dous litros de produtos intermedios ou viños espumosos e bebidas levedadas e catro litros de viño tranquilo e dezaseis litros de cervexa).
• As importacións de pequenos envíos expedidos, con carácter ocasional, desde un país terceiro, por un particular con destino a outro particular, sen que medie pagamento de ningunha clase e dentro de determinados límites
• As bebidas alcohólicas destinadas a ser entregadas por tendas libres de impostos e transportadas no equipaxe persoal dos viaxeiros que se trasladen, por vía aérea ou marítima, a un terceiro país ou territorio terceiro distinto das Illas Canarias.

Ademais, no ámbito do Imposto sobre o Alcohol e as Bebidas Derivadas recoñécense supostos adicionais de exención, que inclúen entre outros, o alcohol non destinado ao consumo humano ou convertido en non apto para o consumo humano mediante a adición de produtos químicos (desnaturalizantes), o alcohol destinado á fabricación de medicamentos, á investigación científica ou a fins docentes e científicos.

En todo caso, a aplicación dos supostos de exención estará condicionado ao cumprimento das condicións e requisitos establecidos na normativa reguladora destes Impostos.