Bonificación extraordinaria e temporal do prezo final de determinados produtos enerxéticos

Hoxe entrou en vigor a aplicación, conforme o previsto no Real decreto Lei 6/2022, do 29 de marzo, dunha  bonificación  de 0,20 € no prezo de venda ao público por cada litro ou quilo (no caso de GNC e GNL), fornecidos a calquera persoa física ou xurídica en establecementos retallistas de gasolina, gasóleos A, A+ e B, gasóleo uso  marítimo, GLP, GNC, GNL, biocarburantes e aditivo AdBlue.

Os establecementos retallistas colaboradores poderán solicitar un anticipo a conta en abril conforme os datos de vendas medias mensuais do 2021, así como as devolucións mensuais correspondentes das bonificacións ou descontos aplicados ás súas vendas dos meses de abril, maio e xuño de 2022.