A disposición final décimo quinta do Real Decreto-lei 6/2022 do 29 de marzo, polo que se adoptan medidas urxentes no marco do Plan Nacional de resposta ás consecuencias económicas e sociais da guerra en Ucraína modificou o artigo 8 da Orde HAP/290/2013, do 19 de febreiro, pola que se establece o procedemento para a devolución parcial do Imposto sobre Hidrocarburos por consumo de gasóleo profesional.

En virtude desta modificación, as devolucións do imposto correspondente ás adquisicións de gasóleo profesional realizadas a partir do 1 de abril de 2022 aboaranse á finalización de cada mes natural, a partir das relacións de subministracións presentadas de acordo co que se dispón nos artigos 5 e 7 da mencionada Orde 290/2013.