Os artigos 12 e 13 do Real Decreto-lei 18/2026, do 29 de xuño, polo que se adoptan determinadas medidas no marco do Plan integral de Resposta á Crise en Oriente Medio establecen que o tipo impositivo do Imposto Especial sobre a Electricidade previsto no apartado 1 do artigo 99 da Lei 38/1992, do 28 de decembro, de Impostos Especiais,  poderá  reducirse nos meses de agosto e setembro de 2026 do   5,11269632 por cento ao 0,5 por cento.

A redución do tipo impositivo no mes de agosto de 2026 será de aplicación se no mes de xuño de 2026 o IPC da electricidade supera en máis dun 15 por cento o IPC do mesmo mes do ano anterior, de acordo coa información que publique en xullo o Instituto Nacional de Estatística.

A redución do tipo impositivo no mes de mes de setembro de 2026 será de aplicación se no mes de xullo de 2026 o IPC da electricidade supera en máis dun 15 por cento o IPC do mesmo mes do ano anterior, de acordo coa información que publique en xullo o Instituto Nacional de Estatística.

En caso de aplicarse as mencionadas reducións, os niveis mínimos de imposición non poderán ser inferiores a 0,5 euros por megawatt-hora se a electricidade se utiliza con fins profesionais, ou a 1 euro por megawatt-hora no resto dos casos, conforme ao que se establece na Directiva 2003/96/CE do Consello, do 27 de outubro de 2003.

Adicionalmente, os artigos 10 e 11 do Real Decreto-lei 18/2026, do 29 de xuño, establecen, para os meses de agosto e setembro de 2026, reducións  do tipo impositivo do IVE en determinadas entregas, importacións e adquisicións intracomunitarias de electricidade que poderán aplicarse en función do IPC da electricidade.