4.1. Convenios de colaboración para a cesión ou intercambio de información con outras administracións públicas
A información obtida pola Axencia Tributaria no exercicio das súas funcións ten carácter reservado e, unicamente, é cedida a outras Administracións públicas nos supostos e para as finalidades expresamente previstas na Lei. Dentro do citado marco legal, a Axencia Tributaria subministra información esencial para a mellora na xestión e control dos procedementos de centos de organismos públicos, cuxa aplicación depende cada vez máis do compromiso da Axencia Tributaria co tratamento eficiente da información e a colaboración co resto de Administracións públicas.
Reciprocamente, a Axencia Tributaria ten asinados Convenios con outras Administracións públicas que subministran de forma periódica información para a mellora na aplicación efectiva do sistema tributario estatal e do aduaneiro.