4.1.6. Programa de Educación Cívico-tributaria

Durante o ano 2018, produciuse un relanzamento do Programa de Educación Cívico-tributaria desenvolvido pola Axencia Tributaria desde o ano 2003. En colaboración coa comunidade educativa, desenvolvéronse diversas actuacións dirixidas a nenos e adolescentes para fomentar unha conciencia fiscal nos futuros contribuíntes de xeito que asimilen a responsabilidade fiscal como un dos valores sobre os que se organiza unha sociedade democrática. Todas as actuacións nesta materia desenvolvéronse por persoal da Axencia Tributaria que participou de maneira voluntaria. Neste exercicio, as Delegacións da Axencia Tributaria realizaron as seguintes actividades:

• Xornadas de portas abertas (visitas as Delegacións) coa participación de cerca de 12.554 alumnos (Primaria, ESO e Bacharelato).

• Visitas centros educativos por parte de persoal da Axencia Tributaria, coa participación de máis de 31.329 alumnos.

• Tamén se impartiron cursos e charlas en Facultades e Escolas Universitarias, cunha participación de 1.835 alumnos.

Estas cifras supoñen que a Axencia Tributaria chegou durante 2018 a un 28,11% máis de escolares e universitarios que o ano anterior, o que reflicte ese impulso dado á materia.

Outro fito importante foi o lanzamento, en novembro do ano 2017, do Portal de Educación Tributaria Europeo TAXEDU, en cuxo desenvolvemento participou moi activamente a Axencia Tributaria.

Ademais, neste ano retomouse o concurso nacional de redacción de Educación Cívico-tributaria.