Saltar ao contido principal

Réximes para determinar o rendemento da actividade

Que métodos podes utilizar, cales son incompatibles, cando estás excluído e a cales podes renunciar

Saltar índice da información

Estimación directa simplificada

Podes aplicar este método cando:

  • Non determines o rendemento dalgunha das túas actividades en estimación obxectiva.

  • Non determines o rendemento dalgunha das túas actividades en estimación directa normal.

  • No ano anterior, o importe neto da cifra de negocios do conxunto de todas as túas actividades non supere os 600.000 €. Se o ano inmediato anterior é o ano en que iniciaches a actividade, o importe neto da cifra de negocios elevaralo ao ano.

  • Non renunciases á súa aplicación.

O rendemento neto reducido calcúlase como na modalidade normal por diferenza entre: os ingresos computables (a totalidade dos ingresos íntegros derivados das vendas e da prestación de servizos, así como, o autoconsumo e as subvencións, entre outros), os gastos deducibles (os que debidamente xustificados e rexistrados na contabilidade ou, nos libros-rexistro obrigatorios prodúcense no exercicio da actividade e son necesarios para a obtención dos  ingresos) e as reducións que resulten aplicables,  coas seguintes particularidades:

  • O inmobilizado material amortízase de forma lineal e segundo unha táboa simplificada específica para esta modalidade.

  • O importe das provisións deducibles e os gastos de difícil xustificación é o 5% (7% para 2023) do rendemento neto positivo, sen incluír eses conceptos, co límite de 2000 €. Se aplicas esta dedución non poderás aplicar a redución para traballadores autónomos economicamente dependentes ou con único cliente non vinculado.

Fase 1ª

(+) Ingresos  íntegros

(-) Gastos deducibles (agás provisións e amortizacións)

(-) Amortizacións táboa simplificada

(-) Diferenza

(+) Gastos de difícil xustificación: 5% (7% para 2023) s/diferenza positiva (Máximo 2000 euros) *

Nota (*): É incompatible coa   redución para traballadores autónomos economicamente
dependentes ou con único cliente non vinculado

(=) Rendemento neto
Fase 2ª

(-) Redución rendementos con período de xeración superior a dous anos ou obtidos de forma notoriamente irregular cando se imputen nun só exercicio (30 %). Base redución máxima: 300.000 euros.

Réxime transitorio : aplicación desta redución
a rendementos que viñesen percibindose de forma fraccionada con anterioridade a 1-1-2015.

(=) Rendemento neto reducido
Fase 3ª

(-) Redución para traballadores autónomos economicamente dependentes ou con único cliente non vinculado *

Nota (*): É incompatible con gastos de difícil xustificación

  • Redución xeral
  • Incremento adicional para contribuíntes
    con rendemento neto da actividade inferior a
    14.450 euros (19.747,50 euros a partir do 1 de xaneiro de 2023) e rendas distintas das anteriores,
    excluídas as exentas, inferiores a 6.500
    euros.
  • Incremento adicional por discapacidade

(-) Redución para contribuíntes con rendas totais inferiores a 12.000 euros, incluídas as da actividade económica (incompatible coa redución anterior)

(-) Redución por inicio de actividade

(=) Rendemento neto reducido total