Cuestións xerais

Quen están obrigados e que operacións inclúense?

A normativa ten un ámbito de aplicación obxectivo, subxectivo e territorial moi amplo.

Todos os empresarios individuais ou societarios, así como entidades sen personalidade, que se encontren suxeitos ao IRPF (por rendementos de actividades económicas), ao Imposto de Sociedades ou ao Imposto sobre a Renda de non Residentes por mediación de establecemento permanente radicado en España, e que estean domiciliados en territorio español de réxime común, é dicir excluíndo os residentes no País Vasco ou Navarra.

Os anteriores están obrigados a respectar o contido da nova normativa nos seus sistemas de facturación para a emisión de facturas, xa sexan completas ou simplificadas, calquera que sexa o destinatario das mesmas.

As excepcións, a estas dúas regras son, basicamente, as seguintes:

Empresarios adscritos á Subministración Inmediata de Información

Están excluídos do cumprimento da normativa de RRSIF, todos os empresarios que estean adscritos ao cumprimento das obrigas de leva dos Libros rexistro do Imposto sobre o Valor Engadido a través da Sede electrónica da Axencia Estatal de Administración Tributaria, establecida no artigo 62.6 do Regulamento do Imposto sobre o Valor Engadido, aprobado polo Real decreto 1624/1992, do 29 de decembro. A adscrición ao SII pode ser obrigatoria ou voluntaria.

Exclusións admitidas á obriga de facturación

Tamén se exclúe o cumprimento da norma en relación con aquelas transaccións que, con base na normativa tributaria (especialmente no Regulamento de obrigas de facturación (ROF) RD 1619/2012) non deban documentarse en factura, así como aqueloutros supostos que dispoñan de autorizacións específicas, emitidas polo Departamento de Xestión da Axencia Estatal de Administración Tributaria para non emitir facturación.