Cuestións específicas sobre tributación doutras rendas, sen convenio
Tributación correspondente a rendas distintas das derivadas de inmobles
Rendementos do capital mobiliario
Con carácter xeral, non existindo convenio, os non residentes que obteñan intereses ou dividendos en territorio español, deberán tributar ao tipo de gravame vixente no ano en que se devindicase o rendemento (ver cadro).
A base impoñible é, en xeral, o importe íntegro percibido.
Non obstante, tratandose de contribuíntes residentes noutro Estado membro da Unión Europea, en relación cos rendementos obtidos desde o 1 de xaneiro do 2010, ou no Espazo Económico Europeo con efectivo intercambio de información tributaria (con efectos desde 11 de xullo de 2021, as referencias normativas a efectivo intercambio de información tributaria hai que entenderas efectuadas á existencia de normativa sobre asistencia mutua en materia de intercambio de información tributaria), en relación cos rendementos obtidos desde o 1 de xaneiro do 2015, para a determinación da base impoñible poderán deducir os gastos previstos na Lei do IRPF, se son persoas físicas, ou na Lei do IS se son entidades, sempre que se acredite que están directamente relacionados cos rendementos).
| Ano de devindicación | 2010-2011 | 2012-2014 | 2015 | 2016 e ss | |
|---|---|---|---|---|---|
| Tipo impositivo | 19% | 21% | Ata 11-07-2015: 20% |
Desde 12-07-2015: 19,50% |
19% |
Non obstante, nese ámbito existen bastantes exencións, podendose indicar, entre outras, as seguintes:
-
Intereses da Débeda Pública.
-
Intereses percibidos por residentes noutros Estados da Unión Europea ou, desde o 1 de xaneiro de 2021, do Espazo Económico Europeo (EEE) con efectivo intercambio de información tributaria (con efectos desde 11 de xullo de 2021, as referencias normativas a efectivo intercambio de información tributaria enténdense efectuadas á existencia de normativa sobre asistencia mutua en materia de intercambio de información tributaria).
-
Intereses das contas de non residentes.