Esta é a primeira edición da newsletter da Axencia Tributaria.

Vivimos nun mundo en que estar ao día constitúe un reto. Por este motivo, as administracións públicas temos que ofrecer aos cidadáns a posibilidade de acceder de forma sinxela a toda a información que lles poida interesar. No ámbito tributario, tan cambiante, aínda é máis necesario, de aí esta nova iniciativa da Axencia Tributaria.

Dispor dunha páxina web / sede electrónica que permita localizar con facilidade os novos contidos e contar con sistemas de alerta de novidades son fórmulas útiles para este propósito divulgativo, que agora se ven complementadas polo lanzamento dunha newsletter semanal que resumirá as principais novidades incorporadas á páxina web / sede electrónica da Axencia Tributaria nos días anteriores e que incluirá as correspondentes ligazóns para que, quen o desexe, poida acceder á información completa.

A newsletter comezará cun apartado introdutorio, como este que estás lendo agora, en que se incluirá información institucional para contribuír a un mellor coñecemento da Axencia Tributaria.

No apartado sobre novidades destacadas incluirase información sobre cambios normativos e procedimentales, tramites e prazos tributarios, criterios administrativos e outros contidos relevantes de recente incorporación á páxina web / sede electrónica.

Tamén se incluirán as notas de prensa que a Axencia Tributaria difundise nos días anteriores.

De igual forma, incluiranse as estatísticas tributarias de máis recente publicación.

Aínda que a newsletter está concibida para a súa lectura en liña, existe a opción de descargara en formato PDF.

A newsletter pode ser un instrumento útil para todos os que teñen un protagonismo máis directo na aplicación do sistema tributario e necesitan dispor de información permanentemente actualizada, como asesores e xestores, contribuíntes con obrigas periódicas, funcionarios, pero tamén para os contribuíntes en xeral e os cidadáns que queiran estar ao tanto das principais novidades, o que estará ao seu alcance se se subscriben á newsletter e dedican á súa lectura uns poucos minutos cada semana.

A aplicación do sistema tributario é unha tarefa colectiva. O cumprimento voluntario das obrigas fiscais pola gran maioría dos contribuíntes é unha realidade que facilita que os ingresos tributarios aseguren o sostemento do Estado de benestar. A Axencia Tributaria, en colaboración co resto das administracións tributarias, debe facilitar o cumprimento voluntario con servizos de información e asistencia cada vez mellores e tamén, por suposto, debe desenvolver actuacións de prevención e control dos incumprimentos e da fraude fiscal.

A transparencia e a información á cidadanía en xeral e aos contribuíntes en particular son parte esencial do compromiso da Axencia Tributaria co cumprimento voluntario e a newsletter vén a reforzar este compromiso.

Seguimos en contacto semana a semana.

Jesús Gascón Catalán

Director Xeral da Axencia Estatal de Administración Tributaria