Análise
Ver históricoAlgúns contribuíntes presentan a declaración do Imposto sobre a Renda das Persoas Físicas con erros de importe non moi elevado, cuxa emenda pode ser realizada polo propio contribuínte de maneira voluntaria, sen que se inicie ningún procedemento de comprobación por parte da AEAT, a través do novo servizo de "Complementaria Calculada" do IRPF do exercicio 2023.
Cando a Administración tributaria, no exercicio das competencias que ten legalmente atribuídas, acorda como medida preventiva o precinto dunha caixa de seguridade, resulta relativamente frecuente a alegación referida á vulneración do dereito á intimidade recoñecida no artigo 18.1 da Constitución Española.
Dentro do conxunto de información que forman as estatísticas tributarias cubrindo os máis variados aspectos, as empresas persoais (os autónomos) pódense analizar con gran detalle a través da estatística de Rendementos de actividades económicas. Esta publicación aproveita a información que estes empresarios facilitan nas súas declaracións anuais do Imposto sobre a Renda das Persoas Físicas. A información económica e fiscal propia da declaración, canda as súas características persoais, permite dar unha visión completa deste tipo de empresas. A última información publicada corresponde ao exercicio 2021 (a próxima publicación está prevista para novembro deste ano 2024).
As estatísticas tributarias que se foron publicando nas últimas semanas pechan os datos do primeiro trimestre do ano e permiten facer unha primeira valoración da evolución da economía nese período. O conxunto de gráficos que acompañan estas liñas ilustran os principais resultados.
Atendendo ás demandas dos contribuíntes, ofrécese un novo servizo na sede electrónica da AEAT coa finalidade de facilitar e axilizar a realización de determinados trámites nos procedementos de sancións tributarias e nos de recargas e xuros de mora por presentación de autoliquidacións fóra de prazo.
As competencias da Unidade Central de Coordinación en materia de Delitos contra a Facenda Pública (UCCDHP) encóntranse detalladas no apartado TRES.1 da Resolución do 24 de marzo de 1992, da AEAT, sobre organización e atribución de funcións á inspección dos tributos no ámbito da competencia do Departamento de Inspección Financeira e Tributaria:
No plan estratéxico da Axencia Tributaria 2024-2027, dentro dos seus eixes vertebradores, xunto á asistencia ao contribuínte, as actuacións preventivas e a estratexia de comunicación aparece, como non podía ser doutro xeito, o control da fraude.
Nos últimos anos asistimos a numerosas situacións de excepcionalidade. Entre as máis salientables, polos seus efectos máis globais e xeneralizados, encontramos a pandemia ocasionada polo virus Covid-19 no ano 2020 e a Guerra de Ucraína, tras a súa invasión por parte de Rusia, o 24 de febreiro de 2022.
O Real decreto 117/2024, do 30 de xaneiro (BOE 31 de xaneiro de 2024), no punto tres da súa disposición final segunda, modificou o artigo 9 do Regulamento Xeral de Recadación posibilitando que tanto as entidades de pagamento coma as entidades de diñeiro electrónico poidan acceder á condición de colaboradoras na xestión recadadora estatal e, incluso, a unha eventual prestación do servizo de caixa nas Delegacións da Axencia Estatal de Administración Tributaria (AEAT) e nas aduanas, que ata agora estaba reservada ás entidades de crédito (Bancos, Caixas de Aforros e Cooperativas de Crédito).
O 23 de marzo de 2021 o Tribunal Supremo ditou dúas sentenzas (recursos de casación números 3688/2019 e 5270/2019), en que concluíu que a comprobación dos requisitos para a aplicación de réximes tributarios especiais debía realizarse, necesariamente, polos órganos competentes, a través do procedemento inspector.