Algúns contribuíntes presentan a declaración do Imposto sobre a Renda das Persoas Físicas con erros de importe non moi elevado, cuxa emenda pode ser realizada polo propio contribuínte de maneira voluntaria, sen que se inicie ningún procedemento de comprobación por parte da AEAT, a través do novo servizo de "Complementaria Calculada" do IRPF do exercicio 2023.

Aos contribuíntes para os que está dispoñible a "Complementaria calculada", se lles informa ao acceder ao "Servizo tramitación de borrador / declaración (Renda WEB)" do concepto en que se detectaron diferenzas entre a declaración presentada e a información de que dispón a AEAT.

Se o contribuínte quere emendar os erros de que foi informado, pode presentar unha "Complementaria calculada" seleccionando "Modificar declaración” e seguindo os pasos que se lle van indicando, de tal xeito que, nuns poucos clics e sen ter que modificar ningún dato, finaliza o proceso de presentación da "Complementaria calculada".

Este servizo tamén está dispoñible a través da App da Axencia Tributaria seleccionando “Presentar Complementaria”.

Para informar os contribuíntes que dispón deste servizo se lles enviou unha comunicación en que se lles explica de forma sinxela como presentar a "Complementaria calculada", de acordo co principio de simplificación da linguaxe administrativa fixado no Plan Estratéxico da AEAT 2024-2027.

É importante ter en conta que a posta a disposición do contribuínte da "Complementaria calculada" non supón que o contribuínte cometese necesariamente un erro na súa declaración do Imposto sobre a Renda das Persoas Físicas, xa que o que se lle pon de manifesto é unha discrepancia entre a súa declaración e a información de que dispón a AEAT, polo que, se esa discrepancia ten xustificación, o contribuínte non ten por que presentar a "Complementaria calculada".

Neste sentido, precisamente porque a discrepancia pode estar xustificada, non cómpre que o contribuínte achegue ningunha documentación para explicar por que non presenta a "Complementaria calculada".