O Imposto sobre Determinados Servizos Dixitais aprobados pola Lei 4/2020, do 15 de outubro (BOE 16 de outubro), entra en vigor o 16 de xaneiro de 2021.

O seu período de liquidación é trimestral. Actualmente o prazo de presentación, previsto no proxecto de orde ministerial que aprobará o modelo de autoliquidación do imposto, é o mes seguinte ao correspondente período de liquidación.

Non obstante, para este primeiro exercicio de aplicación, 2021, a presentación e ingreso da autoliquidación do primeiro trimestre do 2021, efectuarase no prazo previsto para a presentación e ingreso da autoliquidación correspondente ao segundo trimestre de 2021 (do 1 ao 31 de xullo de 2021). Polo tanto, as primeiras autoliquidacións do imposto non se presentarán ata o 1 de xullo de 2021.