Continuando o desenvolvemento aprobado pola Orde HAC/1324/2020, do 30 de outubro, pola que se modifica a Orde do 2 de xuño de 1994, pola que se desenvolve a estrutura da Axencia Estatal de Administración Tributaria, e a Orde PCM/3/2021, do 11 de xaneiro, pola que se modifica a Orde PRE/3581/2007, do 10 de decembro, pola que se establecen os departamentos da Axencia Estatal de Administración Tributaria e se lles atribúen funcións e competencias,  apróbanse as resolucións que se indican máis embaixo polas que se procede á nacionalización de certas competencias nas áreas de Xestión Tributaria, Recadación e Aduanas e Impostos Especiais.

• En Xestión tributaria de acordo con Orde PCM/3/2021, do 11 de xaneiro, nacionalízase a comprobación do Imposto sobre o Patrimonio por  obriga real (os non residentes en España que teñan bens ou dereitos en España para os efectos do imposto). Búscase con iso conseguir unha maior operatividade nas actuacións.

• En Recadación crearanse o Equipo Nacional de Alleamentos, ao obxecto de  reforzar a homoxeneidade das actuacións, e o Equipo Nacional de embargos de diñeiro en contas abertas en entidades de crédito e de embargos de créditos vinculados a terminais de punto de venda (TPV) e a Unidade Nacional de Actuacións. Con iso preténdese crear unha unidade especializada en cada un destes ámbitos para gañar en seguridade xurídica, homoxeneidade de criterio, axilidade, operatividade e especialización. Estes órganos desenvolverán as súas competencias no ámbito nacional.

  Do mesmo xeito, de acordo coa Orde PCM/3/2021, do 11 de xaneiro, en materia de recadación, introdúcense como competencias da área as relativas á análise de riscos mediante ferramentas informáticas e a selección de debedores. Preténdese concentrar ese labor, facilitando que  as Delegacións Especiais se dediquen ás actuacións de control recadador específicas en cada expediente.

• En Aduanas e Impostos Especiais, tras haberse atribuído, en virtude da Orde PCM/3/2021, do 11 de xaneiro,  a competencia en materia de autorizacións aduaneiras a un órgano central cando na autorización teña que intervir outro ou outros Estados membros, nesta Resolución constitúese un órgano dependente do titular da Área, coa denominación Oficina Nacional de Xestión de Aduanas e Impostos Especiais, en que se integran esta competencia e as previstas en relación cos Impostos Especiais con iso perséguese gañar en flexibilidade e operatividade.