Durante a Campaña da Renda 2023, lembra que os ciberdelincuentes poden intentar enganarche suplantando á Axencia Tributaria por medio de correos electrónicos (phishing) ou SMS (smishing) fraudulentos.

Lembra, a Axencia Tributaria:

• Non solicita por correo electrónico ou SMS información confidencial, económica ou persoal, números de conta nin números de tarxeta, nin adxunta anexa con información de facturas ou outros tipos de dato.

• Nunca realiza devolucións a tarxetas de crédito ou débito, nin usando BIZUM.

• Nunca cobra importe algún polos servizos que presta

• Se solicitaches unha cita, a Axencia Tributaria pode pórse en contacto contigo telefonicamente. No caso da Campaña de Renda, o teléfono desde o cal che podemos chamar é o 810520052 (ou desde o 917276222 se nos facilitaches un número de teléfono estranxeiro)

Que facer se en Campaña de Renda:

• Recibes un correo electrónico supostamente enviado pola Axencia Tributaria: non descargues documentos ou ficheiros adxuntos ao correo e non piques nas ligazóns que che manden para recibir devolucións. En calquera caso, se che piden información confidencial, borrao.

• Recibes unha SMS supostamente enviado pola Axencia Tributaria con ligazóns para recibir devolucións de impostos ou se che solicitan información confidencial: borrao.

En caso de identificar algún tipo de fraude, agradecemos a colaboración cidadá informando a través das canles habilitadas na Axencia Tributaria: Colabora para evitar a fraude por Internet.

Para máis información podes consultar o Aviso de Seguridade.