Como importar unha copia válida do seu certificado electrónico

Windows - Importar copia do certificado no Internet Explorer

Para importar un certificado electrónico ao navegador cómpre dispor dunha copia válida do mesmo. A icona dunha copia válida será un sobre aberto cun certificado asomando e unha chave, e a extensión.pfx ou.p12. Se non é visible a extensión, fai clic co botón dereito do rato sobre a icona do certificado e accede a "Propiedades".

Na Internet Explorer accede na barra de menús a "Ferramentas", ou á icona en forma de roda situada na esquina superior dereita da xanela do navegador, e entra en "Opcións de Internet".

Na pestana "Contido" fai clic no botón "Certificados".

Na pestana "Persoal" pulsa o botón "Importar". A continuación ábrese o "Asistente de importación". Pulsa "Seguinte".

Pulsa "Examinar" para ir á ruta onde se gardase a copia do certificado.

Selecciona o arquivo.pfx ou.p12 e pulsa "Abrir". É importante escoller no desdobrable o tipo de ficheiro "Intercambio de información persoal" para poder localizar a copia. Fai click en "Seguinte" outra vez.

Se a copia se fixo con contrasinal debes indicara e é moi importante marcar tamén o recadro "Marcar esta clave como exportable..." para que, en caso de necesitar obter unha copia de seguridade do certificado poidas exportar a clave privada. Pulsa de novo "Seguinte".

Marca "Seleccionar automaticamente o almacén de certificados...". Pulsa de novo "Seguinte" e, por último, "Finalizar".

Se a importación foi correcta aparecerá a mensaxe "A importación realizouse con éxito" ou "A importacion completouse correctamente" segundo a versión do navegador e cando o navegador solicite identificarse, o certificado aparecerá na xanela de selección para a autenticación ou sinatura.

Outra opción para importar o certificado no Internet Explorer é facer dobre clic sobre a copia; deste xeito, ábrese directamente o "Asistente de importación". Se o sistema operativo é superior ao windows 8, no primeiro paso, debes marcar "Usuario actual". Deste xeito, o certificado instalarase na pestana "Persoal", que é a situación axeitada do certificado para poder asinar correctamente un trámite na Sede Electrónica da AEAT. O resto das opcións que habería que marcar ou deixar por defecto serían as mesmas.

Se a copia do certificado non fóra válida (a icona é un certificado verde e non hai ningunha chave; a extensión do arquivo é.cer) é porque ao exportaro non se marcou o recadro "Exportar a clave privada", que é a información persoal que o certificado contén e sen a cal non é posible asinar. Se a copia non é válida instalarase na pestana "Outra persoas" en lugar de facero na pestana "Persoal" e non sería válido para acceder aos trámites da páxina web da AEAT.

Se os certificados non permiten traballar con normalidade tampouco será posible realizar unha copia correcta ou solicitar a súa renovación a través de Internet. Se non dispós dunha copia válida terás que solicitar un novo certificado.