Información e pasos para a obtención dun certificado electrónico

Obtención dun certificado da FNMT con vídeo identificación

Para obter certificado por videoasistencia, accede á páxina web da FNMT e selecciona en "Cert.electrónico Cidadán" a opción de videoasistencia.

O proceso de solicitude e obtención do certificado electrónico mediante o servizo de vídeo identificación  consta dos seguintes pasos:

1. Configuración previa á solicitude

   Segue as recomendacións que se indican para evitar posibles erros durante o proceso de obtención do certificado e instala o software necesario para a xeración de claves, que pode ser executado en calquera navegador e sistema operativo. Descarga e instala o "Configurador FNMT -RCM" facendo clic no  correspondente  ao teu sistema operativo.

   

   Segue os pasos do asistente de instalación,  concede os permisos necesarios, acepta as condicións e pulsa "Seguinte" ata que comunique que está debidamente instalado.

   

   Unha vez instalado o configurador, pulsa "Inicia a Solicitude".

2. Solicitude do certificado

   Indica o DNI ou  NIE do titular do certificado, o primeiro apelido tal e como aparece no documento de identidade e un correo electrónico. A este enderezo de correo enviarase o código de solicitude asociado á petición. Fai click en "condicións de expedición do certificado "para ver as condicións de expedición, marca o recadro para aceptaras e pulsa "Enviar petición".

   

   Neste momento, o navegador solicitarache permiso para abrir o "Configurador FNMT -RCM" e deberás crear un contrasinal para protexer a solicitude do certificado. Este contrasinal, que será solicitada novamente no momento da descarga, é única e exclusivamente coñecida polo solicitante. En caso de esquecer este contrasinal, deberás volver iniciar o proceso de solicitude.

   

   

   Como resultado da petición, aparecerá unha xanela indicando que a solicitude foi procesada correctamente e recibirás na túa conta de correo electrónico o código de solicitude e as instrucións que debes seguir para continuar coa solicitude do certificado.

3. Acreditar identidade

   Cobre os datos solicitados, entre os cales está o código de solicitude que recibiches no teu correo. Ademais, deberás indicar o teu número de teléfono móbil desde o cal vas realizar o proceso de vídeo identificación. Recibirás unha SMS que deberás confirmar para poder validar o teu número de teléfono móbil e poder seguir co proceso.

   Unha vez que pulses sobre o botón "Comecemos", escanea con ti móbil o código QR que se mostrará na túa pantalla. A través da cámara do teu móbil debes mostrar o teu documento de identidade por ambas as dúas caras para verificar a súa autenticidade. A continuación, realizarase un recoñecemento biométrico mediante un vídeo selfi para verificar que es a persoa titular do documento de identidade, canda unha proba de vida para comprobar que se trata dunha persoa real e non un intento de fraude. Desde a FNMT se examinarán todas as evidencias e, se todo é correcto, recibirás un correo electrónico para descargar o teu certificado.

4. Descargar certificado

   Para descargar o certificado, debes utilizar o mesmo ordenador e o mesmo usuario co que realizaches a solicitude. Introduce os datos solicitados, le e acepta os termos e condicións de uso do certificado e pulsa sobre "Descargar certificado".

   A aplicación solicitarache o contrasinal que indicaches no momento da solicitude e ofrecerá a posibilidade de realizar unha copia de seguridade nese momento (recomendado). Así, quedará instalado o certificado.