Modelo 030

Solicitude de NIF de persoa física sen NIF NIE non presencial

Tras a declaración do estado de alarma polo RD 463/2020, creouse o servizo "Solicitude de NIF de persoa física - sen DNI /NIE - non presencial" para permitir a tramitación de forma non presencial da solicitude de asignación dun número de identificación fiscal (NIF ) sen esixir a comparecencia do interesado, ou do seu representante ou presentador, nas oficinas da AEAT para:

• Persoas físicas españolas que non dispón dun documento nacional de identidade (DNI )
• Estranxeiros que non dispón de NIE

Necesitan un NIF debido a que van realizar operacións de natureza ou de transcendencia tributaria sen esixir a comparecencia do interesado nas oficinas da AEAT.

Este NIF asignado pola Axencia Estatal de Administración Tributaria terá carácter transitorio ata que obteñan un DNI ou un NIE, que outorga en exclusiva, en ambos os dous casos, o Ministerio do Interior.

Este procedemento extraordinario posibilita a obtención do NIF con letra inicial:

• K: menores de 14 anos, españois e residentes en España
• L : españois non residentes de calquera idade, non obrigados a dispor de DNI
• M: estranxeiros que non dispón de NIE

Na presentación da solicitude de asignación de NIF K, L e M de persoa física, deberanse seguir 3 pasos:

1. Obtención do Modelo 030 cumprimentado en PDF ;
2. Documentación adicional escaneada;
3. Presentación do Modelo 030 en PDF e da documentación adicional necesaria no rexistro electrónico da Axencia Tributaria no trámite "Solicitude de NIF de persoa física-sen DNI /NIE - non presencial".

PASO 1.- Obtención do Modelo 030 cumprimentado en PDF

Descarga o modelo 030 en PDF desde a ligazón "Descarga do modelo "dispoñible no apartado "Contido relacionado" desta axuda situada na marxe dereito e, antes de imprimiro, cubreo cos datos necesarios para solicitar o NIF por parte do titular ou o seu representante. Pulsando "Encher Formulario" situado na parte superior encheranse os campos "Apelidos" e "Nome" e os seguintes apartados do modelo 030:

1. Causas de presentación que será “Solicitude por persoa física que non dispoña de DNI /NIE ”;
2. Datos identificativos do interesado;
3. Datos identificativos do cónxuxe, se é o caso;
4. Datos de teléfonos e enderezos electrónicos para recibir avisos da AEAT (cubrirase se quere recibir avisos e en especial información do NIF asignado);
5. Consignación de domicilio fiscal (obrigatorio);
6. Consignación de domicilio no estranxeiro (se é non residente e marca o domicilio no estranxeiro como o seu domicilio fiscal será obrigatorio, noutro caso, é optativo se xa sinalou un domicilio fiscal en España);
7. Consignación do domicilio para os efectos de notificacións (sempre sería en España e é opcional);
8. Representante (opcional agás en caso de menores e persoas físicas carentes de capacidade de obra na orde tributaria);
9. Estado civil;
10. Data e sinatura da declaración (obrigatoria, polo titular/res ou o seu representante).

Unha vez cumprimentado o Modelo 030, impreso e asinado polo titular ou o seu representante escanearase en formato PDF para a súa remisión por Rexistro electrónico seguindo as instrucións do PASO 3.

Para as dúbidas que poidan xurdir, pódese utilizar o servizo de axuda para a formalización dos modelos censuais, contactando con Información Tributaria Básica nos teléfonos (+34) 91 554 87 70 e (+34) 901 335 533. 

PASO 2.- Documentación adicional escaneada

Deberás consultar, obter e, se é o caso, escanear a documentación que ten que acompañar o Modelo 030 da solicitude do NIF de persoa física antes de dar o seguinte paso.

A documentación complementaria dependerá do tipo de NIF solicitado, no "Informador censual" poderás consultar a documentación que cómpre achegar en cada caso.

Poderás acceder ao "Informador censual" na sede electrónica, no apartado "Censos, NIF e domicilio fiscal", nas "Ferramentas de asistencia virtual de Censos e IAE".

PASO 3.- Presentación do Modelo 030 e da documentación adicional

Na relación de todos os trámites do modelo 030 dispoñible no apartado "Xestións destacadas" desta axuda situada na marxe dereito, fai clic en "Solicitude de NIF de persoa física-sen DNI /NIE - non presencial".

O acceso ao trámite require que o presentador dispoña dun NIF dado de alta no Censo de Obrigados Tributarios e identificarse con certificado electrónico, DNIE ou ben Cl@ve.

Unha vez identificado, no trámite de rexistro telemático, deberás cubrir o campo "Asunto" co texto: Solicitude de asignación de NIF de persoa física. . No tipo de presentación seleccione "En nome propio" ou "En representación deterceros" segundo corresponda.

Despois, cubrirase de forma obrigatoria o número de teléfono do presentador e, adicionalmente, un correo electrónico por se cumprise contactar en relación con este trámite.

Cobre os datos do interesado. Nos datos do presentador aparecerá o NIF e nome do certificado ou Cl@ve utilizado para acceder ao trámite.

No apartado "Documentación que se anexa" selecciona como tipo de documento "200 - Outros documentos" e fai clic na ligazón "Engadir ficheiros" para seleccionar o ficheiro coa documentación que debes presentar. Na ligazón "Axuda" poderás comprobar o listaxe de formatos admitidos para a presentación de arquivos deste trámite, sendo o tamaño máximo permitido para cada ficheiro 64 MB.

Debes incorporar o Modelo 030 en formato PDF obtido no PASO 1 e a documentación adicional gardada no PASO 2, identificando o contido de cada ficheiro (por exemplo, Pasaporte).

Selecciona ou arrastra o ficheiro. É preferible que o nome do ficheiro non teña signos de puntuación e estea gardado no disco local, dentro da carpeta "AEAT".

O ficheiro engadido aparecerá no apartado "Documentación que se anexa".

Cando termines de anexar os ficheiros fai clic en "Presentar" na parte inferior. A continuación, visualízanse os datos que se van a enviar, se desexas realizar unha modificación pulsa "Volver" e se estás de acordo, pulsa "Asinar Enviar".

Na xanela emerxente marca o recadro "Conforme" e pulsa "Asinar e Enviar" para terminar co proceso de presentación.

Unha vez efectuado este trámite, xérase un expediente electrónico de Rexistro.

Asignado o NIF, emitirase a comunicación da tarxeta do NIF ao domicilio fiscal do titular do NIF asignado ou, se é o caso, ao domicilio preferente para os efectos de notificacións comunicadas no Modelo 030. Se comunicaches o teléfono ou o correo electrónico no apartado correspondente do Modelo 030, recibirás un comunicado informandoche do Código Seguro de Verificación da comunicación da tarxeta do NIF asignado e poderás consultar o NIF e imprimir a tarxeta que o acredita.

Hai que ter en conta que, a non presentación da documentación complementaria necesaria ou a súa presentación de forma incompleta ou inexacta, pode motivar o arquivo da petición (artigos 88 e 89 Regulamento de aplicación dos tributos, aprobado polo Real decreto 1065/2007, do 27 de xullo).