Modelo 309 - Axuda técnica

Presentación electrónica do modelo 309

Podes acceder identificandoche con Cl@ve, certificado ou DNI electrónico. Se tes dúbidas sobre como obter un certificado electrónico ou como rexistrarse no sistema Cl@ve, consulta a información dispoñible no contido relacionado.

Se o declarante non dispón de certificado electrónico cómpre que a persoa que realiza a presentación estea autorizada para presentar declaracións en nome de terceiros, ben por estar dado de alta como colaborador ou ben por estar apoderado para realizar este trámite.

Unha vez identificásesche, cobre os datos identificativos, exercicio e período da presentación. Desde esta xanela poderás importar un ficheiro xerado cun programa externo ou importar un ficheiro xerado co propio formulario mediante o botón "Exportar" que encontrarás ao presentar a declaración.

Para cubrir directamente a declaración no formulario pulsa "Aceptar".

Se tiñas unha declaración gardada previamente nunha sesión anterior poderás recuperara pulsando "Continuar", se presentaches anteriormente unha declaración para o mesmo exercicio e período a aplicación informarache dandoche opción a modificara, noutro caso, pulsa "Nova declaración".

Cobre os datos do formulario.

Desde a botonera, situada na parte superior do formulario, pódese acceder ás funcións para obter un borrador, validar a declaración, eliminar datos, gardar e presentar a declaración.

En Vista "previa", obtés un borrador en PDF cos datos xa cubertos. Lembra que non é válido para presentar a declaración pero pode servir como consulta.

Antes de presentar a declaración comproba se existen avisos ou erros mediante o botón "Validar declaración". Aparecerá a pestana "Erros e avisos" cos avisos ou erros detectados. Lembra que os avisos e avertencias dan información relevante a ter en conta, pero non obstaculiza a presentación da declaración. No caso de que a declaración conteña erros, estes deben ser corrixidos.

Se desexas continuar noutro momento, podes utilizar a opción "Gardar", coa que se almacenarán os datos nos servidores da AEAT. Se xa existe unha declaración gardada anteriormente, sobreescribirase. Podes recuperar os datos almacenados ao acceder de novo ao formulario, despois de introducir os datos identificativos obterás un aviso indicando que se detectou que existe un sesión de traballo gardada dando opción a continuar con ela pulsando o botón "Continuar".

Unha vez cumprimentada a declaración e validada sen erros, pulsa sobre "Presentar declaración" para proceder ao envío da declaración.

Mediante o botón "Exportar", obterás un ficheiro con formato BOE que poderás importar de novo ao formulario e que é válido para a súa presentación. O nome do ficheiro está formado polo NIF do declarante, o exercicio, o período e pola extensión.309.

En declaracións con resultado positivo, selecciona o tipo de declaración entre as opcións dispoñibles (a ingresar, domiciliación, recoñecemento de débeda, etc.).

Podes seleccionar a opción Domiciliación do importe a ingresar e indicar o IBAN da conta en que desexas que se realice a domiciliación.

NOTA : Consulta no calendario do contribuínte os prazos de domiciliación de cada período.

Se seleccionas a opción Que hai que ingresar deberás realizar o pagamento e obter o NRC (Número de Referencia Completa de 22 caracteres que serve como xustificante do pagamento).

Na mesma xanela encontrarás o botón "Realizar pagamento (NRC )", que enlaza directamente coa pasarela para realizar o pagamento con cargo en conta, ou mediante tarxeta ou Bizum.

Tamén podes realizar o ingreso desde as xestións de pagamento de autoliquidacións dispoñibles na Sede electrónica da AEAT ou mediante as opcións ofrecidas pola túa entidade bancaria.

A opción "Recuperar un pagamento previo (NRC )" permite recuperar un NRC dun pagamento realizado previamente e que se desexa incorporar para a presentación da autoliquidación. Este botón estará dispoñible solo para presentacións en nome propio e con apoderamento, non para colaboradores sociais, e deben coincidir os datos do : modelo, exercicio, período, NIF do titular e importe a ingresar.

Unha vez realizado o pagamento e obtido o NRC por calquera das vías mencionadas, introduce o NRC no recadro correspondente e pulsa Asinar e enviar.

O modelo 309 ofrece diferentes opcións de recoñecemento de débeda. Unha delas é Recoñecemento de débeda e pagamento por transferencia que permite utilizar unha conta bancaria aberta nunha Entidade de Crédito NON COLABORADORA, por exemplo, unha conta estranxeira.

NOTA : Non se admiten as transferencias inmediatas.

Unha vez seleccionado o tipo de ingreso correspondente e completados os datos necesarios, fai clic en Asinar e enviar. Aparecerá unha xanela coa información da declaración codificada e os datos do presentador e o declarante. Marca o recadro Conforme e pulsa Asinar e enviar para finalizar a presentación.

Se todo é correcto, obterase o juistificante de presentación en PDF cuxa primeira folla ten a información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador) e en páxinas posteriores a copia completa da declaración.

Nos casos en que exista recoñecemento de débeda, no informe de presentación realizada mostrarase unha ligazón para realizar a presentación do adiamento ou da solicitude de compensación.

Pulsa "Tramitar débeda" e aparecerá o detalle da liquidación cos datos do debedor e da clave de liquidación. Selecciona entre unha das opcións dispoñibles (aprazar, compensar ou pagar) para continuar.