Modelo 390 - Axuda técnica

Modelo 390.Presentación mediante ficheiro

Se dispós dun ficheiro do modelo 390 do exercicio 2021 xerado cun programa externo que se axusta ao deseño de rexistro publicado non poderás importalo ao formulario web pero poderás realizar a presentación dende o enlace "Modelo 390.Exercicio 2021.Presentación (con ficheiro)".

O acceso ao trámite require identificarse con certificado electrónico, DNI electrónico ou Cl@ve PIN do declarante.Tamén pode identificarse unha persoa ou entidade autorizada a realizar presentacións en nome de terceiros:colaborador social ou apoderado.

Se vas utilizar un certificado electrónico para identificarte fai clic no enlace "Acceda con certificado ou DNI electrónico" pero, se vas utilizar o sistema Cl@ve PIN introduce o DNI o NIE na casa e, a continuación, achega o dato de contraste para continuar.

Unha vez seleccionado o tipo de acceso revisa o cadro de avisos para asegurarte de que vas realizar a presentación correctamente.Fai clic en "Ler declaración" e selecciona o ficheiro que contén a declaración que queres enviar e que cumpre co deseño de rexistro actualizado para o modelo 390.

Cargarase a declaración nun formulario similar ao dispoñible na Sede Electrónica pero debes ter en conta de que os campos non son editables.Calquera cambio terá que realizarse no ficheiro ou na aplicación que utilizases para xeralo.

Mediante a barra de desprazamento baixa ata o final da páxina onde se encontra o botón "Asinar e Enviar" para proceder ao envío da declaración.

Por último, marca a casa "Conforme" e pulsa "Asinar e Enviar" para presentar a declaración.

O resultado dunha presentación correcta será unha páxina de resposta cun PDF incrustado, que poderás gardar e imprimir.Na primeira páxina do documento móstrase a información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador) e, nas páxinas posteriores, o resumo da declaración.