Renda 2016

Servizo tramitación de borrador/declaración - Renda WEB 2016

No servizo de tramitación do borrador ou declaración (Renda WEB) 2016 o contribuínte de calquera tipo de renda, terá acceso aos servizos de Renda que nese momento estean habilitados, ademais dos enlaces a trámites e consultas dese exercicio.

Fai clic en "Servizo tramitación de borrador/declaración (Renda WEB) 2016" e selecciona o tipo de acceso, con certificado electrónico, DNIe, Cl@ve PIN ou número de referencia obtido mediante o servizo RENØ da campaña actual.

Unha vez que accedas ao expediente, dispoñerás da seguinte información:

• O estado de tramitación da declaración.

• Os servizos dispoñibles, entre eles a consulta de datos fiscais, datos censuais ou a consulta e presentación do borrador/declaración (Renda WEB).

• A historia do expediente onde quedaron gravados todos os estados do expediente e, se xa está presentada, obter unha copia da declaración presentada dende o enlace "Gravación da declaración...".

En "Servizos Dispoñibles" fai clic en "Borrador/Declaración (Rende WEB)";se xa accediches a Renda WEB nalgún outro momento, nunha ventá emerxente informarase da existencia dunha declaración anterior, que podes recuperar dende a opción "Continuar sesión", modificar unha declaración presenta anteriormente dende "Modificar declaración presentada" ou comezar unha nova tramitación dende "Nova declaración", incorporando novamente os datos fiscais.Tamén poderás escoller a lingua cooficial na que desexas realizar a declaración.

Se é a primeira vez que accedes, mostraranse na primeira pantalla, os datos identificativos do declarante e do resto de declarantes dos compoñentes da unidade familiar.Se contén datos erróneos ou imprecisos ou se omitiu algún dato concreto, antes deberás modificalo.Ten en conta que o estado civil e se tes fillos menores de idade ou incapacitados xudicialmente sometidos a patria potestade prorrogada ou rehabilitada non poderá ser modificado posteriormente.

No caso de que exista cónxuxe, se non desexas introducir os datos fiscais deste, debes marcar a casa para o cálculo da declaración individual.No caso contrario, non poderás avanzar xa que se solicita a identificación do cónxuxe con referencia ou Cl@ve PIN.

Pulsando a icona co símbolo dun lapis podes modificar ou introducir novos membros na unidade familiar.Para borralos, pulsa a icona do aspa.Unha vez cumpridos os datos, na parte inferior, pulsa "Aceptar".

Tras aceptar a pantalla de datos identificativos, se a aplicación detecta que se deben trasladar á declaración datos fiscais adicionais, segue as instrucións das seguintes ventás para incorporar esta información.Se non necesitas incorporar información adicional para xerar a declaración, accederás directamente ao resumo de resultados dende onde poderás comprobar cal é o resultado da declaración para cada modalidade e completar a declaración, se fose necesario.

Na parte superior dispós dun menú adicional dende o que podes visualizar os datos fiscais imputados para cada declarante e descargar un PDF coa vista previa da declaración de cada declarante ou conxunta.Ten en conta que para poder visualizar os documentos en formato PDF é necesario ter instalado no teu equipo un visor de ficheiros PDF.

Dende "Ver datos trasladados" poderás comprobar cales son os datos que se incorporaron na declaración, os non incorporados e as notas da incorporación.

Tamén dispós de vídeos explicativos e, na icona da interrogación, o acceso ao manual de axuda para a presentación da declaración de Renda.

Dende o "Resumo de declaracións" tamén poderás gardar a declaración mediante a opción "Gardar" e ver os teus datos persoais dende "Datos persoais".Pulsando o botón "Continuar coa declaración", poderás acceder ás distintas páxinas da declaración para comprobar todos os datos e seguir completando a declaración.

No botón "Apartados" poderás acceder ás distintas seccións da declaración e mediante os comandos con frechas moverte entre as páxinas.Antes de presentar a declaración comproba se tes erros na cumprimentación pulsando o botón "Validar".

Dende esta mesma ventá podes acceder ao resumo de resultados ou "Presentar declaración" para finalizar a tramitación da declaración.

Selecciona como desexas presentar a declaración "Presentación inmediata" por Internet ou "Impresión declaración (Predeclaración)" para presentala en papel.Ademais indica se se trata dunha declaración individual ou conxunta.

Se a declaración ten como resultado unha devolución só terás que indicar o código IBAN, pero o a declaración ten como resultado un ingreso deberás obter o NRC e cumplimentalo na casa correspondente ou seleccionar outras formas de pagamento como o recoñecemento de débeda con imposibilidade de pagamento ou solicitude de aprazamento entre outros.

Por último, pulsa "Asinar e Enviar" para realizar a presentación telemática ou "Xerar predeclaración" para a presentación en papel.