Renda 2016

Como presentar unha rectificación de autoliquidación ou unha declaración complementaria de Renda 2016 se a orixinal non se presentou en Renda WEB

Cando se detecten erros ou omisións nunha declaración xa presentada, será posible solicitar a rectificación da súa autoliquidación ou presentar unha declaración complementaria accedendo novamente ao seu expediente de Renda.Para modificar a declaración permítese o acceso a Renda WEB 2016 con certificado electrónico, DNIe, Cl@ve PIN ou a referencia do expediente de Renda actual.

Acceso ao expediente

Accede á páxina de trámites do modelo 100 na Sede Electrónica a "Modificación dunha declaración xa presentada 2016".

Confirma que a túa declaración está presentada;en "Historia do Expediente" dispón do enlace "Gravación da declaración".Para acceder á modificación, en "Servizos Dispoñibles", podes utilizar tanto o enlace "Modificación de declaración" coma "Borrador/Declaración (Rende WEB)".

O funcionamento xeral de Renda WEB permite recuperar a declaración xa presentada para, dende esta declaración, corrixir ou engadir a información necesaria.Ao acceder, Renda WEB mostra unha ventá coas seguintes opcións:

• "Continuar sesión" para proseguir coa última sesión gardada
• "Nova declaración" para xerar a declaración dende cero
• "Modificar declaración presentada" para traballar coa declaración presentada.

Non obstante, esta opción non aparecerá nos seguintes casos:

• Se a declaración orixinal non foi presentada mediante Renda WEB senón mediante ficheiro, por lotes, nunha plataforma de Renda ou a través do sistema automático de voz.Neste caso terás que utilizar o botón "Continuar sesión" ou iniciar unha nova declaración.
• Se a declaración foi presentada dende unha sesión distinta á que está a utilizar para acceder á modificación, por exemplo se se utilizou a sesión do cónxuxe.Non obstante, poderá traballarse sobre a declaración presentada se se accede a Renda WEB cos datos do contribuínte "propietario" da sesión dende a que se presentou a declaración.Así se recoñecería a declaración presentada e recuperaríanse as declaracións individuais e conxunta que se confeccionaron nesa sesión.

Se non tes dispoñible esta opción de modificación, dende "Continuar sesión", ou mesmo se se inicia unha nova declaración, para acceder á páxina de cumprimentación do tipo de declaración complementaria ou de rectificación da declaración, pulsa o botón "Apartados", no despregable "Datos xerais".Despois, fai clic en "Declaración complementaria do exercicio 2016.Solicitude de rectificación de autoliquidación en 2016".

A rectificación da autoliquidación poderá realizarse:

• Sempre que a Administración tributaria non practicase liquidación definitiva ou liquidación provisional polo mesmo motivo.
• É necesario que non transcorrese o prazo de catro anos dende o día seguinte á finalización do prazo de presentación, ou dende o día seguinte á presentación da declaración se esta se presentou fóra do devandito prazo.
• Se a declaración foi presentada previamente a través do "Servizo de tramitación borrador / declaración Renda WEB" (non mediante ficheiro).

Marca a casa 127 e, na nova ventá, a opción "Se desexa iniciar un procedemento de rectificación...".Mostraranse os datos da anterior autoliquidación:o resultado a ingresar de anteriores autoliquidacións ou liquidacións administrativas correspondentes ao exercicio 2016 ou ben o resultado a devolver e o "Número de xustificante da autoliquidación" da autoliquidación cuxa rectificación se solicita.Ademais, has de indicar o número de conta (IBAN) no que desexas que se realice a devolución.

Ao incluír estes datos aparecerá un aviso no que se informa de que se a declaración se ha de presentar en modalidade conxunta, a introdución destes datos na declaración, debe realizarse tamén dende esta modalidade.

No caso dunha declaración complementaria, marca a casa que corresponda en función da causa que motiva a presentación da declaración complementaria.

Modificación ou inclusión de datos

Para seguir cubrindo a declaración, podes navegar polos distintos apartados dende as frechas dispoñibles ou accedendo a "Apartados".

Por exemplo, se has de incluír atrasos en rendementos do traballo do exercicio 2016 para presentar unha declaración complementaria, accede á páxina correspondente e na casa 001, fai clic na icona do lapis para modificar os datos.

Tras emendar os erros ou omisións da autoliquidación recorda que podes verificar os cambios dende "Resumo de declaracións" e comprobar tamén o resultado da declaración modificada.

Presentación da declaración modificada

A continuación, podes verificar os datos utilizando o botón "Validar" e confirmar se a declaración está correctamente cuberta.Por último, pulsa o botón "Presentar declaración" para finalizar o procedemento.Ten en conta que se accediches mediante referencia e o resultado da declaración complementaria é un ingreso, posto que a domiciliación do pagamento xa non é unha forma de ingreso admitida ao ter finalizado a campaña, terás que obter o NRC xustificante do ingreso contactando antes coa túa Entidade Bancaria, xa que o acceso á pasarela de pagamento só está dispoñible se accedes con certificado electrónico ou Cl@ve PIN.

Ao acceder de novo ao teu expediente poderás visualizar a declaración orixinal presentada e a rectificación posterior.