4.8 Pagamentos fraccionados
Os contribuíntes do Imposto sobre Sociedades teñen a obriga de efectuar un pagamento fraccionado para obter a cota diferencial. Isto é, un pagamento a conta da liquidación do Imposto sobre Sociedades, correspondente ao período impositivo que estea en curso o día 1 dos meses de abril, outubro e decembro, a realizar entre o 1 e o 20 dos meses citados. O pagamento fraccionado ten a consideración de débeda tributaria.
Non deben efectuar pagamentos fraccionados nin estarán obrigadas a presentar a correspondente declaración as entidades que tributen ao tipo do 1 %e ao 0 %de acordo co artigo 29 apartados 4 e 5 da LIS.
A sociedade limitada nova empresa non terá a obriga de efectuar os pagamentos fraccionados a conta das liquidacións correspondentes aos dous primeiros períodos impositivos concluídos desde a súa constitución.