5.4.5 Obrigas formais
-
Efectuar a declaración de alta das actividades acollidas ao réxime, no modelo 036 ou 037 que tamén se emprega para renunciar ou revogar a renuncia, para comunicar o cesamento da actividade e para comunicar a inclusión ou exclusión do réxime.
-
Levar un rexistro de facturas recibidas, en que se anotarán separadamente as adquisicións ou importacións de activos fixos, e os datos necesarios para efectuar as regularizacións precisas. Se se realizasen outras actividades ás que non lles sexa aplicable o réxime simplificado, anotaranse separadamente as adquisicións correspondentes a cada sector diferenciado da actividade.
-
Conservar os documentos que demostren a realidade dos índices ou módulos aplicados.
-
Conservar, numeradas por orde de datas, as facturas recibidas (provedores nacionais e comunitarios), os xustificantes contables en adquisicións de servizos con investimento do suxeito pasivo se o provedor é extracomunitario, e os documentos que conteñan a liquidación do imposto correspondente en importacións.
-
Conservar, numeradas por orde de datas e agrupadas por trimestres, as facturas emitidas.
-
Presentar as declaracións-liquidacións correspondentes-modelos 303 e 390-, así como se é o caso facilitar información de operacións con terceiras persoas-modelo 347 - e de operacións intracomunitarias-modelo 349-.