Os novos réximes especiais de portelo único aplicable ás prestacións de servizos, vendas a distancia de bens e determinadas entregas interiores

Aspectos transitorios

A partir do 1 de xullo de 2021 o réxime do miniportelo único do IVE aplicable aos servizos de telecomunicacións, de radiodifusión ou de televisión e aos prestados por vía electrónica (MOSS) transformarase no réxime do portelo único de IVE aplicable ás vendas a distancia e a determinadas entregas interiores de bens e prestacións de servizos (OSS).

Todos os empresarios ou profesionais que desexen optar pola OSS deberán presentar o Formulario 035 para rexistrarse, agás os que xa estivesen rexistrados no réxime do miniportelo único de IVE (MOSS) que serán automaticamente rexistrados no novo réxime especial (OSS). Neste último suposto, en caso de non desexar aplicar o novo réxime deberá presentar o Formulario 034 de cesamento no réxime do miniportelo único de IVE aplicable aos servizos de telecomunicacións, de radiodifusión ou de televisión e aos prestados por vía electrónica antes do 16 de xuño de 2021.

Unha vez finalizado o período de declaración correspondente ao segundo trimestre de 2021 (20 de xullo de 2021) o Modelo 368.Declaración de IVE dos réximes especiais de servizos de telecomunicacións, de radiodifusión ou de televisión ou electrónicos, deberase utilizar no caso de que deba corrixirse algunha declaración correspondente ao segundo trimestre de 2021 ou períodos anteriores, ou ben para declarar o IVE deses períodos de forma extemporánea (co límite de 3 anos desde que se debeu presentar a declaración).