Desde o 11 de abril a Axencia Tributaria pon á túa disposición todos os servizos de axuda para consultar o borrador, modificaro e, se é o caso, presentar a túa declaración do Imposto sobre a Renda das Persoas Físicas (IRPF) correspondente a 2022. Un ano máis, a Axencia Tributaria adopta un conxunto de medidas dirixidas a consolidar e mellorar o modelo da asistencia aos contribuíntes, no cumprimento das súas obrigas fiscais, coa idea de conseguir un dos obxectivos esenciais perseguidos pola organización, que adquire especial relevancia nas datas previstas para a presentación da declaración de Renda 2022.

Merece destacar que nesta campaña, no espazo de Campaña de Renda 2022, incorporouse un apartado pensado para persoas maiores de 65 anos  en cumprimento do protocolo asinado coa Plataforma de Maiores e Pensionistas, que inclúe un folleto de servizos de axuda  e, ademais, un folleto breve  e un manual  máis amplo coa normativa de  IRPF que pode resultar de maior interese para este colectivo.

A Axencia Tributaria sitúase á vangarda na utilización das novas tecnoloxías na asistencia ao contribuínte para facilitar o cumprimento das súas obrigas tributarias, así como para minimizar os custos indirectos asociados a ese cumprimento. En particular e polo que se refire á presente campaña de renda, os distintos servizos de axuda  que a Axencia Tributaria pon a disposición dos contribuíntes, son os seguintes:

Renda WEB é o servizo de axuda para tramitar e presentar a declaración de Renda máis utilizado polos contribuíntes. Antes de realizar calquera xestión debes identificarche. Unha vez que che identificases, a Axencia Tributaria facilítache os teus datos fiscais, que che servirán para obter o borrador de declaración, que se xera a través do servizo Renda WEB. Os datos fiscais poden obterse e consultarse en Internet. Ademais de consultaros, ao efectuar a declaración da Renda con Renda WEB, podes incorporaros —a gran maioría— de forma automática e posteriormente modificaros ou incorporar novos datos. Lembra que para tributación conxunta débense incorporar os datos fiscais de todos os integrantes da unidade familiar.

O Servizo telefónico de Información tributaria básica tamén resolve dúbidas sobre Renda 2022. Accesible mediante o teléfono: 91 554 87 70 (tamén a través do 901 33 55 33). O horario é de luns a venres, de 9 a 19 horas.

O Asistente Virtual de Renda  e o Informador Renda  son ferramentas que che permiten obter, de forma fácil e intuitiva, información xeral sobre o  IRPF e específica sobre actividades económicas, que che poderán ser de axuda na túa declaración de Renda. Unha vez consultada toda a información, pode xerarse un PDF que será unha copia exacta do que aparece en pantalla. Para iso será necesaria autenticación mediante Cl@ve PIN ou certificado electrónico. Inclúe servizo de chat dispoñible de 9:00 a 19:00 horas de luns a venres.

A APP Axencia Tributaria : podes descargara gratuitamente desde un dispositivo móbil e está dispoñible para os sistemas operativos Android e iOS nos markets do google, Apple e Hauwei. Dispós dun acceso directo a diversos trámites e á aplicación Renda WEB para xerar e presentar a túa declaración de Renda 2022, sempre que cumpras unha serie de requisitos.

A campaña recentemente iniciada preséntase cun calendario  similar ao do ano pasado e con evidentes melloras nas ferramentas de asistencia postas ao servizo dos cidadáns.

Todo iso co compromiso da Axencia Tributaria na asistencia ao contribuínte.