Como consultar e descargar un certificado tributario xa expedido

Descarga dun certificado xa expedido dende Certificacións tributarias

Pasado o prazo indicado no xustificante da solicitude, unha vez que o certificado tributario sexa tramitado pola unidade competente, poderás recollelo en nome propio ou mediante apoderamento (GENERALDATPE) por parte do titular, con certificado electrónico ou con Cl@ve PIN.

Selecciona o tipo de certificado que vas descargar.

Introduce os datos do titular do certificado, só no caso de que efectúes a recollida en nome dun terceiro, e o código electrónico da solicitude do certificado, ou ben o intervalo de datas no que se solicitou e que non pode superar o prazo de 1 semana.

Unha vez consignados todos os datos necesarios, aparecerá unha páxina cos datos básicos da solicitude, entre eles o estado de tramitación.Ao final da páxina, se a descarga do certificado xa está dispoñible, encontrarás o enlace "Pinche aquí para recoller o certificado" para acceder ao PDF coa certificación.É necesario ter instalado un visor de ficheiros PDF, por exemplo, Adobe Acrobat Reader (recomendamos dispoñer da versión máis actualizada).