Modelos do 190 ao 198
Saltar índice da informaciónModelo 194
A presentación telemática do modelo 194 require identificarse con certificado ou DNI electrónico emitido a nome do declarante. Se o declarante non dispón de certificado electrónico cómpre que o certificado que realiza a presentación estea apoderado para presentar declaracións en nome de terceiros.
A presentación realízase mediante TGVI en liña, un sistema que valida se o ficheiro contén rexistros correctos e erróneos, permitindo a presentación parcial dos rexistros correctos, descargar un ficheiro cos rexistros erróneos e un ficheiro co detalle dos erros para, unha vez emendados, enviaros mediante declaracións complementarias.
Recomendámosche depurar, previamente á presentación da declaración, o censo dos seus perceptores mediante o servizo de identificación fiscal para evitar erros de identificación. Para iso podes utilizar a opción dispoñible na web: "Comprobación dun NIF de terceiros a efectos censuais" situado en "Axuda", "Identificación fiscal" do apartado "Campaña declaracións informativas 2024".
Esta consulta encóntrase tamén nas xestións do modelo 030 dentro de "Censos, NIF e domicilio fiscal"
Cómpre dispor do ficheiro da declaración que vas transmitir, cos datos axustados ao deseño de rexistro do modelo 194 actualizado.
Ao acceder á presentación, selecciona o certificado electrónico e pulsa "Aceptar". Virá seleccionado por defecto o modelo 194, escolle o exercicio 2024 e indica o NIF do declarante. Ao ser unha declaración anual, aparecerá por defecto, no recadro período: "Anual".
Para enviar un arquivo pulsa "Ler Ficheiro" e, a continuación, "Seleccione o ficheiro que hai que validar" para seleccionar o arquivo. Desde a opción "Recuperar" podes volver cargar o último ficheiro validado pola aplicación para ese modelo, exercicio e NIF.
Informarase do nome ou razón social do declarante, NIF e modelo/exercicio; fai clic en "Validar" para iniciar a validación do ficheiro.
Unha vez finalizada a transmisión e validación do ficheiro, mostrarase un resumo do resultado; ten en conta que a validación non implica a presentación da declaración. Se o ficheiro é totalmente correcto poderás proceder á presentación da declaración completa. Pulsa "Presentar rexistros correctos", marca o recadro "Conforme" e pulsa "Asinar e Enviar".
Obterás o correspondente recibo de presentación nun PDF incrustado, que poderás gardar e imprimir, en que móstrase a información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador). Podes descargar e gardar o documento PDF.
No caso de que se encontren rexistros erróneos incluirase a desagregación dos rexistros correctos e erróneos.
A partir dese momento o presentador disporá de tres opcións:
Presentar rexistros correctos
Fai click no botón "Presentar rexistros correctos", na seguinte xanela marca o recadro "Conforme" e pulsa "Asinar e Enviar".
Obterás o correspondente recibo de presentación nun PDF incrustado, que poderás gardar e imprimir, en que móstrase a información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador). Ademais, disporás como dato adicional dun campo en que se informa do número total de rexistros presentados correctos e os rexistros erróneos. Podes descargar e gardar o documento PDF no teu equipo.
Se algún/vos rexistros non foron presentados por ser erróneos, unha vez emendados os erros, deberás proceder á presentación da correspondente declaración complementaria do resto de rexistros.
Descargar rexistros erróneos
Descargarase un ficheiro co formato do deseño de rexistro en vigor co total de rexistros erróneos.
Fai click en "Descargar rexistros erróneos", poderás abrir ou gardar o ficheiro no teu equipo.
O ficheiro descargado incluirá, no rexistro tipo 1, un número identificativo como declaración complementaria coa letra "C" e o número de xustificante da declaración orixinal validada.
Descargar mensaxes de erro
Desde este botón poderás recuperar un ficheiro co detalle dos erros; trátase dun ficheiro de texto que contén un detalle do erro por cada rexistro tipo 2 (Perceptores) incorrecto.
Fai click en "Descargar mensaxes de erro" e poderás abrir ou gardar o ficheiro no teu equipo.
O ficheiro mostrará o rexistro de cada detalle erróneo de tipo 2, co número de liña do ficheiro orixinal e, ao final de cada liña, descrición do erro que presenta o rexistro (cómpónse dun código e un erro).
Se o ficheiro tivese máis de 1 millón de erros/rexistros o ficheiro estará comprimido en formato ZIP.