Modelos do 038 ao 180
Saltar índice da informaciónModelo 159
A presentación do modelo 159 require identificación con certificado electrónico emitido a nome do declarante. Se o declarante non dispón de certificado electrónico cómpre que a persoa que realiza a presentación está autorizada para presentar declaracións en nome de terceiros, ben por estar dado de alta como colaborador ou ben por estar apoderado para realizar este trámite.
A presentación do exercicio 2023 realízase mediante TGVI en liña, un sistema que valida se o ficheiro contén rexistros correctos e erróneos, permitindo a presentación parcial dos rexistros correctos, descargar os rexistros erróneos e un ficheiro TXT cos erros para, unha vez emendados, enviaros mediante declaracións complementarias.
Recomendámosche depurar, previamente á presentación da declaración, o censo dos declarados.
Ao acceder selecciona o modelo, exercicio e período; non obstante virá de forma predeterminada o modelo 159 do exercicio 2023 e período anual; só cumprirá que indiques o NIF do declarante.
Pulsa "Ler Ficheiro" e, a continuación, "Seleccione o ficheiro que hai que validar" para escoller o arquivo. Desde a opción "Recuperar" podes volver cargar o último ficheiro validado pola aplicación para ese modelo, exercicio e NIF.
Para a presentación electrónica cómpre dispor dun ficheiro da declaración que vas transmitir, cos datos axustados ao deseño de rexistro actualizado. Todos os campos alfanuméricos e alfabéticos presentaranse aliñados á esquerda e recheos de brancos pola dereita, en maiúsculas sen caracteres especiais, e sen vogais acentuadas. Para os caracteres específicos do idioma utilizarase a codificación ISO-8859-1.
Todos os campos numéricos presentaranse aliñados á dereita e recheos a ceros pola esquerda sen signos e sen empaquetar.
Todos os campos terán contido, se non é que se especifique o contrario na descrición do campo. Se non o tivesen, os campos numéricos encheranse a ceros e tanto os alfanuméricos coma os alfabéticos a brancos.
Informarase do nome ou razón social do declarante, NIF, modelo e exercicio; fai clic en "Validar" para iniciar a comprobación do ficheiro.
Unha vez finalizada a transmisión e validación do ficheiro, mostrarase un resumo do resultado; ten en conta que a validación non implica a presentación da declaración.
No caso de que se encontren rexistros erróneos incluirase a desagregación dos rexistros correctos e erróneos.
A partir dese momento o presentador disporá de tres opcións:
Presentar rexistros correctos
Fai click no botón "Presentar rexistros correctos", na seguinte xanela marca o recadro "Conforme" e pulsa "Asinar e Enviar".
Obterás o xustificante dos rexistros presentados nun PDF, en que móstrase a información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador). Podes descargar e gardar o documento PDF no teu equipo.
Se algúns rexistros non foron presentados por ser erróneos, unha vez emendados os erros, deberás proceder á presentación da correspondente declaración complementaria do resto de rexistros.
Descargar rexistros erróneos
Descargarase un ficheiro co formato do deseño de rexistro en vigor co total de rexistros erróneos.
Fai click en "Descargar rexistros erróneos" e poderás abrir ou gardar o ficheiro no teu equipo.
O ficheiro descargado incluirá, no rexistro tipo 1, un número identificativo como declaración complementaria e o número de xustificante da declaración orixinal validada.
Descargar mensaxes de erro
Desde este botón poderás recuperar un ficheiro co detalle dos erros, trátase dun ficheiro de texto que contén un detalle do erro por cada rexistro tipo 2 (Titular) incorrecto.
Fai click en "Descargar mensaxes de erro" para abrir ou gardar o ficheiro no teu equipo.
O ficheiro mostrará o rexistro de cada detalle erróneo de tipo 2, co número de liña do ficheiro orixinal e, ao final de cada liña, descrición do erro que presenta o rexistro (cómpónse dun código e un erro).