Modelos do 038 ao 180

Modelo 171

A presentación do modelo 171 require identificarse con certificado electrónico emitido a nome do declarante ou DNI electrónico. Se o declarante non dispón de certificado electrónico cómpre que a persoa que realiza a presentación estea autorizada para presentar declaracións en nome de terceiros, ben por estar dado de alta como colaborador social ou ben por estar apoderado para realizar este trámite.

A presentación realízase mediante TGVI en liña, un sistema que valida se o ficheiro contén rexistros correctos e erróneos, permitindo a presentación dos rexistros correctos, descargar un ficheiro cos rexistros erróneos e un ficheiro co detalle dos erros para, unha vez emendados, enviaros mediante declaracións complementarias.

Para evitar erros de identificación, recomendámosche depurar previamente o censo de contribuíntes de cada empresa mediante o servizo de Identificación fiscal.

Cumprirá dispor dun ficheiro coa declaración que vas transmitir, cos datos axustados ao deseño de rexistro publicado.

Tras a identificación, cobre o NIF do declarante e verifica que nos campos "Modelo" e "Exercicio" están seleccionados 171 e 2023, respectivamente.

Para enviar un arquivo pulsa "Ler Ficheiro" e, a continuación, "Seleccione o ficheiro que hai que validar" para seleccionar o arquivo.

Desde a opción "Recuperar" podes volver cargar o último ficheiro validado pola aplicación para ese modelo, exercicio e NIF. Se optas por validar un novo ficheiro mediante a opción "Ler ficheiro" calquera envío anterior para a combinación seleccionada de Modelo + Exercicio + Período + NIF declarante perderase xa que só se recupera a última validación.

Verifica que os datos sexan correctos e fai clic en "Validar" para transmitir o ficheiro.

Durante a transmisión aparecerán dúas barras de progreso informando da porcentaxe de validación, tanto do ficheiro coma dos rexistros.

Ao finalizar a transmisión mostrarase o resumo do resultado da validación.

Nota: Neste paso do proceso só valídase o ficheiro. A presentación poderá realizarse en pasos posteriores.

Se a validación é correcta, poderás realizar a presentación e obter o xustificante correspondente. Se se detectan erros incluirase a desagregación dos rexistros correctos e erróneos e estarán dispoñibles as opcións "Presentar rexistros correctos", "Descargar rexistros erróneos" e "Descargar mensaxes de erro".

Presentar rexistros correctos

Selecciona esta opción para presentar unicamente os rexistros correctos. Na seguinte xanela marca "Conforme" e pulsa "Asinar e Enviar".

Obterás o recibo de presentación só cos rexistros correctos presentados nun  PDF  incrustado, que poderás gardar e imprimir. O documento contén a información da presentación: número de entrada de rexistro, Código Seguro de Verificación, número de xustificante, día e hora de presentación e datos do presentador.

Os rexistros erróneos que non quedaron presentados deberán corrixirse e presentarse posteriormente mediante unha declaración complementaria.

Descargar rexistros erróneos

Mediante esta opción poderás descargar un ficheiro de texto (axustado ao deseño publicado) con todos os rexistros erróneos.

O ficheiro descargado estará actualizado para ser coherente co número  de rexistros incluídos. Ademais, no rexistro de tipo 1 (declarante e resumo) xa se incluirá un  número identificativo propio, a marca de complementaria e o xustificante da presentación anterior.

Este ficheiro é para a súa corrección e presentación. Non contén información sobre os erros detectados.

Descargar mensaxes de erro

O ficheiro de texto descargado contén o detalle dos erros detectados para cada rexistro erróneo de tipo 2 (Declarados). En cada liña mostrarase un rexistro de detalle erróneo coa súa mensaxe de erro correspondente. Cómpre mover a barra de desprazamento ata o final das liñas para poder visualizar os códigos e descricións dos erros.

Este arquivo ten un carácter informativo. Será de utilidade para identificar os erros detectados e proceder á súa corrección e presentación.