Presentación electrónica do modelo 143

Se dispós de certificado, DNI electrónico ou estás rexistrado no sistema   Cl@ve, podes efectuar a presentación electrónica do modelo 143.

Cumprirá presentar unha solicitude por cada dedución á que se poida ter dereito e, no caso de ascendentes ou descendentes a cargo, unha solicitude para cada ascendente ou descendente que dea dereito á dedución.

Indica o tipo de dedución e a modalidade de solicitude. A modalidade seleccionada no momento da presentación só poderá modificarse  durante o  mes de xaneiro. Lembra que, nas solicitudes colectivas de familia numerosa, deben consignarse como solicitantes unicamente os ascendentes, agás cando se trate de irmáns orfos de pai e nai, en cuxo caso serán os solicitantes. Polo tanto, non deben incorporarse os fillos  nas solicitudes de aboamento anticipado por familia numerosa.

O resto de datos que se deben incorporar á solicitude de aboamento anticipado son os seguintes:

• Os datos do solicitante, no caso dunha solicitude individual, ou o designado como primeiro solicitante, se se trata dunha solicitude colectiva. Neste apartado hai que indicar o Réxime ou Mutualidade, agás os contribuíntes que perciben prestacións por desemprego ou pensións dos réximes de previsión social ou asimilada que deberán marcar o recadro "Non cotiza".
• No caso de solicitudes colectivas, os datos do resto de solicitantes que teñan tamén dereito á dedución.
• O código IBAN da conta bancaria para o aboamento de que sexa titular o beneficiario do aboamento anticipado da dedución.
• A información solicitada en cada tipo de solicitude sobre a familia numerosa ou  o ascendente ou descendente discapacitado que xera o dereito á dedución.

Desde a icona flotante "ADI, Necesitas axuda?" que aparece na esquina inferior dereita, dentro do propio formulario, pode pórse en contacto cun axente especializado mediante chat (suxeito a horarios) e pedir que lle chamen indicando un número de teléfono.

Finalizada a formalización da solicitude, pulsa "Validar".

Revisa os datos da declaración e fai clic en "Asinar e Enviar".

Aparecerá unha nova xanela para a confirmación da presentación, marca o recadro "Conforme" e pulsa de novo o botón "Asinar e Enviar".

Se a presentación é correcta, mostrarase o recibo de presentación confirmando a gravación da solicitude en rexistro e proporcionando o CSV (Código Seguro de Verificación) que permite recuperar o xustificante  a través do Cotexo de documentos electrónicos da Sede. Desde a ligazón "Ver en formato imprimible" poderás descargar en PDF o recibo de presentación da  solicitude.

Lembrámosche que desde o apartado "Asistencia e cita" poderás solicitar atención personalizada para calquera dos servizos do catálogo ofrecido pola Axencia Tributaria a través destas canles: cita telefónica, cita en oficinas ou chat. Ademais, están dispoñibles tanto o teléfono de información xeral e cita, o 91 333 53 33, como o teléfono de Información Tributaria Básica, o 91 554 87 70.