Gastos financeiros deducibles

Os gastos financeiros netos serán deducibles co límite do 30 por cento do beneficio operativo do exercicio.

Con esta finalidade, hai que ter en conta o seguinte:

• Entenderase por gastos financeiros netos, o exceso de gastos financeiros respecto dos ingresos derivados da cesión a terceiros de capitais propias reportados no período impositivo, excluídos aqueles gastos a que se refiren as letras g), h) e j) do artigo 15 da LIS.

• O beneficio operativo determinarase a partir do resultado de explotación da conta de perdas e ganancias do exercicio determinado de acordo co Código de Comercio e demais normativa contable de desenvolvemento:

  • Eliminando a amortización do inmobilizado, a imputación de subvencións de inmobilizado non financeiro e outras, a deterioración e resultado por alleamentos de inmobilizado, e

  • Adicionando os ingresos financeiros de participacións en instrumentos de patrimonio, sempre que se correspondan con dividendos ou participacións en beneficios de entidades en que, ou ben a porcentaxe de participación, directo ou indirecto, sexa polo menos o 5 por cento, ou ben o valor de adquisición da participación sexa superior a 20 millóns de euros, agás que as devanditas participacións fosen adquiridas con débedas cuxos gastos financeiros non resulten deducibles por aplicación do artigo 15 h) da LIS .